[2014 日本．中國地區] Day 4 鬼太郎故鄉搵妖怪

2014年4月20日星期日

[2014 日本．中國地區] Day 4 鬼太郎故鄉搵妖怪

~Day 4~

20/4/2014 (Sunday) 晴

米子 --> (鳥取縣) 境港 --> 水木茂妖怪大街 --> 米子 --> 鳥取 --> 鳥取砂丘 --> 砂之美術館 --> 岡山 --> 岡山站西口廣場 Toyoko-inn

8:00 am

起身食早餐... 然後 check out 同係酒店寄存行理。

9:30 am

繼廣島、島根之後, 今日主要玩中國地區既鳥取縣, 鳥取縣係日本本州西部面臨日本海既一個小縣, 屬山陰地方。人口只有 60 多萬, 係日本 47 個都道府縣中人口最少既一個, 面積只有 3500 平方公里左右。鳥取縣縣都設於鳥取市, 重要城市有米子市及倉吉市。

先去境港探下鬼太郎既故鄉...

因為我懶, 之前準備不足, 係廣島已經買錯 JR Pass 架啦, 今日又犯左另一輕微既過失 >.< 當我食完早餐, 諗住去搭 JR 到境港時, 見到個電子板, 要到九點半才有下一班到境港既火車 @@@ 我本身諗住搭呢程由米子去境港既 local 火車, 應該好多班次既, 就好似新宿搭去原宿咁既姐, 咪冇睇定時間表囉, 點知就衰左 >.< 原來中國地區真係鄉下黎架, 火車班次唔多, 大家去中國記住做定功課喇！雖然呢個又唔算係咩大過失, 咪等下一班囉, 但就係因為班次少, 去到境港又要就番回程既火車, 所以最後只有個多小時遊覽境港, 搞到有點趕...

等到差不多九點半, 就先到米子車站的 0 號月台等候呢班通往妖怪國度既妖怪列車─鬼太郎列車。米子到境港的 JR 境港線是地方支線, 全長只有 17.9 公里, 從起站米子到終點既境港總共有 16 個車站, 原是一條普通既地方鐵道, 卻藉著境港出生的漫畫家水木茂而變得熱鬧起來。素有妖怪博士之稱的他創作的鬼太郎漫畫風靡一時, 雖然他老早已經搬離境港老家, 境港卻借用佢既名氣與創作將境港打造成一個水木荿的妖怪國境。JR 西日本也配合地方造勢, 在 2000 年 8 月在境港線推出鬼太郎主題列車, 第一架就是鬼太郎列車, 後來又陸續推出鼠男、貓娘、目玉老爹等主題列車, 列車既外觀及內部均塗鴉裝飾了配合既主題。

我搭既呢架就係貓娘列車...