~Day 3~
24/8/2014
(Sunday) 哥本哈根 --- 天陰
哥本哈根市區遊 --> 玫瑰宮 (Rosenborg) --> 市政廳 (Kobenhavns Radhus) --> 新港 (Nyhavn) --> 皇宮 (Amalienborg) --> 小美人魚像 (Den Lille Havfrue)
9:00 am
係船上食早餐, 都係昨日係奧斯陸買定既...
係船上食早餐, 都係昨日係奧斯陸買定既...
164
9:45 am
遊船於 9:45 am 到達丹麥既首都哥本哈根, 落船後有免費 shuttle bus 接駁出市區。
10:30 am
不過 shuttle bus 去唔到我住既酒店, 我在途經既 Osterport Station 轉搭火車 (DKK24)…
對於第一次黎丹麥既我, 一上火車見到咁多單車覺得好新奇, 係丹麥玩左三日之後, 知道原來丹麥係一個單車王國。丹麥人口500萬, 擁有超過400萬既單車, 首都哥本哈根既單車就有30多萬輛。主要原因係丹麥既資源相對貧乏, 政府為左減低能源消耗, 大力鼓勵市民優先選用單車作為交通工具, 加上他們既城市都不算很大, 所以好多市民都利用單車上下班或出外遊玩。
10:45 am
黎到 Norreport Station, 再走到黎緊三日會入住既酒店 Hotel Nora Copenhagen。
這間酒店不錯, 房間很大很乾淨, 有 free wifi 同我至愛既歐式 breakfast (話就話係 free, 實情係羊毛出自羊身上…)。唯一唔好處係唔近主要既景點, 無計啦, 近中央車站既酒店都比較貴, 貴得黎仲要環境冇咁好, 房冇咁大, 又冇 wifi 早餐咁…
咁早間房未 ready, 我放低行理係 reception 就正式開始哥本哈根既旅程喇。
12:00 pm
我會逗留係丹麥三日, 第一日係哥本哈根市區遊, 主要去下 D 遊客必去既景點啦… 之後兩日就會去遠少少既 Legoland 同 D 近郊小鎮咁…
第一站係國立美術館 (Statens Museum for Kunst)…
同好多歐洲國家既首都一樣, 哥本哈根既景點都幾集中, 走路都去到, 係酒店出來沿住好靚既河邊走好快就到達國立美術館。
美術館係免費入場的, 大家有時間都不妨黎參觀下…
12:40 pm
之後走到玫瑰宮 (Rosenborg)...
玫瑰宮係一座擁有荷蘭式文藝復興風格的建築, 原是皇室的行宮, 因受到克里斯提安四世 (Christian IV) 的垂愛, 於 1606 到 1636 年期間不停擴充、改建。當中尤以玫瑰宮的地下室最為珍貴, 除了經過特殊設計, 更成為克里斯提安四世的私人音樂廳。直至1710年腓特烈四世建造了腓特烈堡, 玫瑰宮就完成了它作為王室居所的使命。玫瑰宮於 1883 年起正式改為博物館開放予人參觀, 讓世人了解文藝復興時期王室的生活起居狀況, 而地下室則由音樂廳變成了寶藏庫, 從克里斯提安四世到腓特烈七世約400多年間既皇室寶藏都存放於此, 其寶物收藏量可說是歐洲之最。其中最奪目的是丹麥女王既珠寶皇冠, 此頂鑲滿藍寶、紅寶、鑽石既皇冠更是170年來丹麥皇室既象徵。
1:10 pm
正準備離開玫瑰宮時就落雨, 順便係花園內既 Cafe 食個 Light Lunch 啦, 咁就 DKK70, 約 HK$80…
1:50 pm
食完個 Salad 冇咩雨就走喇, 繼續向圓塔 (Rundetarn) 方向走。
如果你問我係挪威同丹麥有咩多, 我會答你 7-Eleven…
俾 DKK25 就可以走上去塔頂欣賞下哥本哈根既景色…
雖然天色麻麻, 又想落雨, 不過見到咁多七彩繽紛既建築, 就明白點解話丹麥係全球最快樂既王國。根據聯合國最新既報告, 北歐五國之一既丹麥擊敗瑞士, 成為全球最快樂既國家。此項報告列出左全球157個國家的快樂指數, 評分主要以人均收入、壽命、生活困難時獲得的社會支援、人生抉擇的自由、社會上的慷慨捐款等等為標準。至於排名頭十位的國家依次係丹麥、瑞士、冰島、挪威、芬蘭、加拿大、荷蘭、紐西蘭、澳洲和瑞典。嘩, 今次呢個極光之旅去既四個國家, 就有三個上榜, 所以我都要快樂啲呀!
2:45 pm
再走到聖母教堂 (Vor Frue Kirke)…
3:00 pm
行到三點鐘, 有點肚餓, 見到梗有一間係左近既 7-Eleven 就走左入去… 對於好鍾意食包既我, 黎北歐真係岩哂, 各式其式既包、三文治, 任君選擇, 仲要好好味!
買下手信...
4:00 pm
走到哥本哈根市政廳 (Kobenhavns Radhus)… 市政廳係哥本哈根市議會以及市長辦公室既所在地, 位於市中心既市政廳廣場。市政廳於 1905 年落成, 由建築師 Martin Nyro 所設計。
從市政廳廣場向中央火車站方向走, 途中會經過 Tivoli Gardens… Tivoli Gardens 有 D 似香港既荔園, 入面有卡通人物表演, 音樂會, 機動遊戲, 夜晚仲會放煙花, 好似都好多野玩咁, 不過入場費唔平, 要 DKK99, 加上好似岩細路仔玩多 D, 所以我就冇入去喇...
中央火車站 (Copenhagen Central Station)... 既然都黎到火車站, 就順便走入去買定張 24-hour ticket... 呢張 ticket 可以在一天內任搭哥本哈根大部分地區既巴士、火車同地鐵, 價錢為 DKK130, 會留待後天去近郊赫爾辛格 (Helsingor) 同希德羅 (Hillerod) 時用的...
5:30 pm
沿住運河走到國立圖書館 (Det Kongelige Bibliotek)... 超大既國家圖書館兼哥本哈根大學既圖書館, 亦係北歐五國最大既一個圖書館...
這座圖書館設計非常獨特, 整幢建築呈梯形向前傾斜, 面向運河碼頭, 建築中央留有一塊狀似鑽石的玻璃帳幕, 白天可將自然光引進館內, 夜晚則把館內的燈光投射在運河上, 襯托出美麗的夜景, 故此圖書館亦有 "黑鑽石" 的稱號。
這天剛好遇者一年一度既 KMD IRONMAN Copenhagen, 見到有選手在街上跑步就好奇地湊下熱鬧, 對於當時仲未開始參加任何馬拉松賽事既我都冇咩感覺, 而家睇番真係有眼不識泰山 (話說呢個遊記拖左好鬼耐先寫 :p), 原來三項鐵人賽仲勁過跑馬, 分別要完成游水 (3.8km)、單車 (180km) 同跑馬三個項目呢!
6:00 pm
克里斯提安堡 (Christiansborg)...
6:30 pm
行左成日, 終於都黎到哥本哈根既著名旅遊地標新港 (Nyhavn)... 新港係一個建造於17世紀, 位於新國王廣場附近既一個運河娛樂區, 由好多顏色鮮艷既住宅、酒吧、咖啡廳同餐廳所構成...
係河邊找一間酒吧, 與三五知己, 一邊嘆啤酒, 一邊欣賞河邊日落既景色, 真係人生一樂也!
7:00 pm
雖然已踏入八月尾, 但係北歐既日照仲係好長, 已是晚上七點, 但係天都仲未黑, 時間真係非常好用, 繼續走到皇宮 (Amalienborg)...
Amalienborg 係丹麥王室既冬宮, 位於哥本哈根市中心, 由4座宮殿組成, 其中2座開放給公眾參觀。
剛巧遇著士兵交接儀式...
想到哥本哈根就會聯想到新港, 其次就一定係小美人魚雕像, 所以係天黑前要趕到去呢個著名既景點, 途中會經過 St. Albans Anglican Church 同女神噴泉 (Gefionspringvander)。
傳說 Gefion 女神向瑞典國王要一塊土地, 國王表示她在一天內能夠犁出多少土地, 那塊土地就屬於她。Gefion 女神為了犁地, 就把自已的四個兒子變成四頭公牛, 花了一天一夜將土地犁好, 並將其丟出瑞典外海, 也就是現在哥本哈根所在區域, 所以 Gefion 女神也被視為丹麥既守護神。
女神與四頭公牛...
此時個天越黎越黑, 唔係天黑, 係想落雨果隻黑, 所以都係行快啲去搵小美人魚像...
7:30 pm
小美人魚雕像 (Den Lille Havfrue) 位於哥本哈根港邊, 初時以為好近, 但離開女神噴泉之後都行左幾耐, 仲以為自已行錯路 tim...
小美人魚像是1909年嘉士伯創辦人的兒子卡爾.雅布克森 (Carl Jacobsen) 看了改編自安徒生小美人魚童話故事的芭蕾舞劇深受感動而請雕刻家艾瑞克森 (Edvard Eriksen) 製作的, 現已成為哥本哈根著名地標。雕像是以當時丹麥首席芭蕾舞伶 Ellen Price 為銅像的模特兒, 但由於她拒絕祼體, 所以雕像身體係以雕刻家的妻子為模型。
美麗既黃昏...
8:30 pm
完成一日既哥本哈根悠閒之旅, 先到超市買晚餐, 然後返回酒店。這間酒店真的不錯, 乾淨舒適...
洗澡後就食 dinner...
少少既戰利品...
沒有留言:
張貼留言