[2017 南九州．鹿児島馬拉松] Day 3-4 鹿児島．指宿砂蒸浴

~Day 3~

3/3/2017 (Friday) 晴

酒店 --> 熊本駅 --> (鹿児島縣) 鹿児島 --> 指宿 --> 鹿児島 --> 天文館通 --> レム鹿児島 (阪急阪神第一ホテルグループ)

8:15 am

間房太大, 張床太舒服, 訓到成八點, 先去嘆個靚早餐先 :p

9:00 am
嘆完早餐再去浸溫泉...

9:45 am
check out 後酒店職員送我到島原外港既碼頭...

10:15 am
搭熊本渡輪到熊本港, 只需大約30分鐘就由長崎經島原灣黎到熊本, 比陸上交通工具還要快... 就算係自駕, 都要繞過佐賀, 路途頗遙遠呢！

在熊本港還有免費既接駁巴士去 JR 熊本駅...

12:02 pm
熊本只是中途站, 之後就轉 JR 直落鹿児島再殺落指宿 (又係搭車又搭船的一天 >.<), 先買張南九州 JR Pass...

12:50 pm
好快又到左鹿児島縣, 先放行理在鹿児島中央站的 locker, 然後去買 lunch...

2:02 pm
而家去日本好多時都係自駕遊, 但日本不同地方有好多獨色既火車, 有啲係季節限定, 有啲就係地區限定, 而觀光火車就係九州既其中一個特色黎, 而家就要搭呢架由鹿児島去指宿既 JR 觀光特急列車 - 特急指宿のたまて箱 (「指宿玉手箱號」)。

「指宿玉手箱號」只有兩節車箱 (乘客人數60名), 一天3班次往返鹿兒島中央-指宿之間, 乘搭前須要預約。

2:28 pm
唔駛一個鐘就黎到 JR 指宿駅...

指宿市是位於日本鹿兒島縣薩摩半島南端的城市, 是知名的觀光城市, 以指宿溫泉而聞名。最有名的為當地的熱砂溫泉。當地亦是江戶幕府末期, 第十三代將軍德川家定的正室, 天璋院篤姬的老家,「今和泉島津家」的所在地。因其氣候溫暖, 自稱為「日本的夏威夷」。(維基百科)

維基都話, 指宿最有名既係熱砂溫泉, 其實老遠搭火車落黎指宿, 就係為左呢個熱砂溫泉架咋... 由 JR 指宿駅步行到砂蒸會館 - 砂むし会館砂樂...

(以下節錄自日本見聞錄介紹)
指宿市擁有豐富的泉源, 市內遍佈大約800個泉源, 是南九州最大的溫泉鄉, 尤其是天然砂浴的「砂蒸」是日本唯一的天然砂浴溫泉, 也是指宿最大的特徵。

入口設在2樓, 在購票時可以領到浴衣。如果有需要可以在此租借浴巾以及毛巾。浴巾是擦身體用的, 而毛巾是包圍著脖子以預防砂子噴到臉, 所以兩個都是必備用品。領完東西, 到1樓更換浴衣。浴衣下面不穿內衣。更衣室裡有寄櫃箱, 要特別注意貴重物品的保管。換上浴衣後穿上店裡準備的海灘鞋, 就直接前往海邊體驗砂蒸。

換好衫就走出去海邊, 可能第一次玩砂蒸, 見到好多人訓係沙入面, 成身都被沙蓋住, 剩番塊面露出黎, 感覺好得意...

服務員會要求旅客躺在指定的砂坑。一個砂坑躺一個人。要是想要熱一點, 服務員會把砂挖的深一點, 相反的, 想要不那麼熱, 可以要求挖淺一點。依照指示躺下來之後服務員會用毛巾把臉遮蓋然後邊問「砂重不重」邊把砂往旅客身上用鏟子灑。整個身體完全被砂子蓋上之後, 服務員就會離開。要泡幾分鐘完全可以自己決定, 但是一般會建議 10分鐘~15分鐘。躺下後不到 5分鐘, 血流加快, 可以感覺到全身在冒汗。高溫加上砂的重量, 可以用爽快舒適之極來形容。因為是海邊, 海風吹打在臉上, 聆聽著海浪聲, 仰頭又是廣闊的藍天白雲, 真是悠閑舒適。

返回更衣室, 除左洗個澡, 仲可以浸番個室內溫泉, 正呀...

5:15 pm
完成了這個頗有趣既「砂蒸」體驗, 又走回火車站... 其實指宿除左這個全日本獨有既熱砂溫泉之外, 都冇咩其他特色的觀光景點, 好彩冇安排係呢度住宿, 唔係夜晚都唔知做咩好 >.<

7:02 pm
返回鹿児島中央站, 在 locker 取回今早寄存的行理, 然後轉搭鹿児島市電到天文館通...

黎緊既三晚都會入住呢間酒店 - レム鹿児島 (阪急阪神第一ホテルグループ)...

check in 後再次出動去找吃... 今次有個特定目標, 出發前有朋友叫我要黎呢間居酒屋 - 吾愛人... 反正行程鬆動有時間, 就去試下啦...

8:00 pm
黎到見到餐廳坐滿人, 仲有好多人等位, 重要全部係日本人, 唔覺有遊客喎, 牆上又貼滿明星相, 根據過往經驗呢個情況都係話俾我知, 呢間餐廳真係堅正既...

天文館吾愛人本店
地址﹕鹿児島県鹿児島市東千石町9-14
電話﹕099-222-5559
營業時間﹕17時15分～23時30分 (L.O.: 22時30分)/ 日曜日﹕17時15分～23時00分 (L.O.: 22時00分)
定休日﹕なし (沒有)
網址﹕http://www.k-wakana.com/tenpo/honten.html

坐低左望下個 menu, 幾多選擇喎, 仲樣樣都想食 tim, 最後揀左呢度既大人氣料理一人前豚肉火鍋。食食下, 坐係隔離個日本女人, 可能想搵人傾計, 我都唔記得佢最初同我講咩, 我同佢講我唔係日本人, 點知佢仲繼續同我傾, 於是我就一路食一路用我有限既日文同佢傾計喇...

同佢傾傾下, 知道呢間餐廳確實係好出名, 佢仲話佢差不多每個星期都會黎... 呢位女士仲好好人呀, 佢叫左個牛肉玉子卷, 其實我都想叫架, 不過叫唔到咁多野食, 佢竟然分左一件俾我... 我又話好鍾意食日本既おでん, 即係關東煮, 佢又話呢度啲關東煮好好味, 講完之後仲即刻落 order 幫我叫左一份, 話係請我食既... 嘩, 實在太客氣喇, 點好意思呀...

10:00 pm
傾到咁上下, 我都要走人喇, 與那位女士道別就回酒店休息喇。

~Day 4~

4/3/2017 (Saturday) 晴

酒店 --> 櫻島 --> 鶴丸城跡 --> 西鄉隆盛銅像 --> 中央公民館 (領取選手包) --> 天文館通 --> レム鹿児島 (阪急阪神第一ホテルグループ)

9:15 am
今天早上會去櫻島... 由酒店走到櫻島渡輪碼頭, 中途經過馬拉松會場, 見到工作人員正在進行佈置呢...

9:30 am
乘搭櫻島渡輪, 在船上吃早餐, 見好多人食烏冬我又跟住買, 嘩, 竟然係好好味...

9:45 am
食完個烏冬已經要落船...

櫻島位在日本九州鹿兒島縣的鹿兒島灣中, 是鹿兒島的象徵代表, 也是一座活躍的複式火山, 火山口距離有60萬人居住的鹿兒島市市區僅8公里距離。櫻島被劃入霧島錦江灣國立公園的範圍, 也被國際火山學與地球內部化學協會列為「十年火山」之一。(維基百科)

雖然櫻島面積不大, 但若非自駕遊, 就唯有要搭觀光巴士喇... 落船後就會見到售賣觀光巴士 1-day Pass 既 counter, 買飛後就排隊等巴士...

10:10 am
鳥島展望所...

赤水展望廣場...

湯之平展望所...

11:30 am
搭船回鹿兒島市...

12:15 pm
時間尚早, 走到 Family Mart 買簡單午餐, 然後拿到公園吃, 親身體驗一下日本人既生活先 :p...

12:45 pm
其實昨天已從長崎縣黎到鹿児島縣, 但先去左指宿浸砂蒸溫泉, 今早又去了櫻島火山半天遊, 而家先叫做正式咁行下鹿児島市...

鹿兒島市是位於日本九州島南端的一個城市, 是鹿兒島縣的縣廳所在地, 也是鹿兒島縣的政治、經濟、文化中心, 人口數佔了全鹿兒島縣的35%, 同時也是九州地方人口是第四多的城市, 次於福岡市、北九州市、熊本市。鹿兒島市亦是全國人口第二多的中核市, 次於千葉縣船橋市。(維基百科)

走到鶴丸城跡...

鶴丸城跡位於日本鹿兒島縣鹿兒島市城山山麓, 是一座平山城, 被鹿兒島縣指定為鹿兒島縣定古蹟, 江戶時代是島津氏的居城。

可惜城跡正在維修中...

西鄉隆盛銅像...

西鄉隆盛是日本江戶時代末期的薩摩藩武士, 協助明治天皇維新的第一大功臣。在明治10 (1877) 年, 西鄉隆盛舉兵反抗政府在熊本城與政府軍爆發激戰, 史稱西南戰爭。最後政府軍擊敗西鄉隆盛的薩摩軍, 西鄉自殺身亡, 享年51歲。穿上制服的西鄉隆盛肖像迄立於鹿兒島中央公園, 另一座銅像在東京上野公園。

1:15 pm
行左半日, 係時候去 Expo 報到同攞選手包喇... 鹿児島馬拉松大會報到處設於中央公民館, 報到同取選手包既過程非常順利同迅速...

攞左選手包就走到中央公民館外的 Expo 逛逛, Expo 非常細小, 好快就行完...

2:45 pm
行到好攰, 回酒店小休一下...

剛取得既跑手包內只有一本場刊、號碼布同大會 tee 一件...

4:00 pm
再次出動, 走到ドルフィンポート (Dolphin Port)... ドルフィンポート就是今早搭船的渡輪碼頭附近的一個購物中心, 呢度環境好舒服呀...

離開時又見到工作人員仍在準備中...

之後又走回山形屋, 其實鹿児島市真係好細 :p...

8:10 pm
而家去旅行真係好少去餐廳食野, 除非係好出名, 咁琴晚因為朋友介紹去左天文館通既吾愛人, 又真係好好味, 所以今晚我決定 encore, 再去多一次... 咁唔駛我多講啦, 大家下次去鹿児島記得要去試下喇...

又黎到呢間吾愛人, 今晚好多人呀, 一入到去, 個廚師竟然認得我, 佢既反應話我知, 我作為遊客, 連續黎兩晚, 佢係好開心既...