2017 March 日本．鹿児島馬拉松 x 南九州 6 天之旅 - 行程規劃

~日本．鹿児島馬拉松 x 南九州 (長崎、鹿児島) 六天之旅~

日期: 1/3/2017 - 6/3/2017

繼上年10月既大阪馬之後, 連續4個月冇去過旅行喇... 因為身體有啲小毛病, 1月過年時入醫院做了一個手術, 之後要休息冇咩點跑... 直到3月頭, 因為啲假期就爆, 身體又已康復過來, 所以就來一個悠閒既南九州之旅, 兼久休復出, 出戰2017年既頭炮 - 鹿児島馬拉松。

之前與家人已去過一次九州, 只去了福岡、熊本同大分縣, 今次確實係想悠閒啲, 只集中長崎同鹿児島呢兩個縣。為左就番航班時間, 決定福岡入, 然後直接搭巴士去長崎。遊畢日本三大夜景稻左山夜景同原爆遺址後, 去到島原溫泉嘆一嘆。之後經熊本搭新幹線到指宿, 體驗全日本唯一既砂蒸溫泉。從指宿返回鹿児島市, 去看櫻島火山同完成鹿児島馬拉松。最後直接於鹿児島乘飛機回港！

後記
剛做完手術, 今次只想出外抖一抖, 去我最愛既日本, 睇下靚景, 浸下溫泉, 享受美食... 自從去過廣島原爆遺址, 一路都好想去埋長崎呢個, 今次終於黎到喇, 仲睇埋日本三大夜景之一稻左山夜景... 島原溫泉既望海溫泉同指宿既砂蒸溫泉令人真正放鬆... 至於長崎吉宗既茶碗蒸同鹿児島吾愛人既牛肉玉子卷同關東煮又係旅客必要一試的... 靚景、溫泉同美食都齊哂, 仲完成埋2017年既第一隻馬, 呢個旅程簡單得黎又令我好滿足！鹿児島馬拉松係我第五隻馬, 日本第三隻馬, 今次冇準備, 天氣又非常差, 但我亦都成功完走, 以 5:08:28 既成績衝線, 還 PB 了, 我真係好開心, 好滿足呀! 拎住個完賽獎牌, 為呢個鹿児島馬拉松 x 南九州 6 天之旅畫上一個完美句號, 但同時亦都為2017年打開美麗既第一頁！

➪ 相片集

地圖上看行程

在較大的地圖上查看2017 日本．鹿児島馬拉松 x 南九州 6 天之旅

事前準備

準備	備註
馬拉松比賽	網上報名 (全馬)，中籤後付報名費
申請日本旅遊簽証	免簽証
購買機票	購買香港快運航空 (Hong Kong Express Airways) 香港至福岡、鹿児島至香港來回機票一張
訂酒店	於網上預約並付款
換日元	於恆生銀行兌換
購買旅遊保險	於美亞保險香港有限公司購買全年旅遊保險

行程表

		住宿
Day 1	香港 --> 福岡空港 --> (長崎縣) 長崎 --> 稻佐山夜景 --> 長崎	アパホテル <長崎駅前>
Day 2	長崎 --> 平和公園 --> 原爆資料館 --> 中華街 --> 島原溫泉	島原溫泉 南風樓
Day 3	島原溫泉 --> 熊本駅 --> (鹿児島縣) 鹿児島 --> 指宿 --> 鹿児島 --> 天文館通 --> 鹿児島	レム鹿児島 (阪急阪神第一ホテルグループ)
Day 4	鹿児島 --> 櫻島 --> 鶴丸城跡 --> 西鄉隆盛銅像 --> 中央公民館 (領取選手包) --> 天文館通 --> 鹿児島	レム鹿児島 (阪急阪神第一ホテルグループ)
Day 5	鹿児島 --> ドルフィンポート前 --> 鹿児島マラソン2017 (Kagoshima Marathon 2017) --> 鹿児島駅 --> Aeon Mall/ AMU Plaza --> 鹿児島	レム鹿児島 (阪急阪神第一ホテルグループ)
Day 6	鹿児島 --> 甲突川河畔 --> 鹿児島空港 --> 香港

整個旅程所需費用 (一人計)

呢期日元唔算太貴又唔係話好抵, HK$6.93 : JPY$100...

機票、酒店、交通	約 $6000
食	約 $1000
手信	約 $1700
娛樂	約 $900
其他	約 $100
總計	約 $9700

如果想知我每日去左邊就要逐日睇喇. 仲有相睇 tim.