[2019 日本．富士山馬拉松] 傷後復出．無痛完賽紅葉馬拉松

~Day 1~
23/11/2019 (Saturday) 香港 --- 晴, 日本 --- 雨

香港 --> 羽田國際空港 --> 河口湖 --> 梨川もみじ回廊 (河口湖紅葉まつり) --> 平浜駐車場 (領取選手包) --> ビジネス＆リゾート 登り坂ホテル

10:30 pm

23號晚出發到機場...

冇寄倉行理又好快咁過左關...

11:50 pm
UO 624 航班準時起飛...

2019 Nov 日本．富士山馬拉松 3 天之旅 － 行程規劃

~日本．富士山馬拉松 3 天之旅~

日期: 23/11/2019 - 25/11/2019

事隔一年, 繼上年既六大馬芝加哥馬拉松後, 出戰第十五隻全馬。還記得一年前, 原本狀態大勇, 希望芝馬可以 pb 而加強訓練, 點知就在出發前一個月腳傷了... 腳傷既成事實, 最後慢跑順利完成, 但之後就足足停賽了整整一年既時間, 先後放棄了神戶馬、渣馬同長野馬... 今年中見腳傷漸好, 希望在年尾可以跑番, 睇下啲賽事, 原本想報番上年放棄左既神戶馬, 但最後俾富士山既美景同富士山馬個完成獎牌吸引左, 加上富士山天氣凍啲較適合我, 最後就決定報富士山馬拉松。

同之前跑東京馬一樣啦, 唔駛特登 stay behind 玩, 又可以快閃, 不過富士山距離東京機場係遠左啲, 即日走係冇可能, 所以就決定星期五晚出發, 星期一番, 快閃3天！其實5月時已睇機票, 可能撞正紅葉期, 機票都不便宜, 咁我就用埋 HK Express 儲落既積分, 最後以差不多半價既價錢買了一張香港至東京既來回機票, 抵！買左機票就睇酒店喇, 由於去富士山, 不論係跑馬定係睇紅葉, 都係住河口湖一帶, 加上啲住宿應該俾富士山馬拉松大會 hold 起哂, 所以前一晚只能 book 到一間較遠但冇特別加價既酒店... 酒店距離起點大約 2 km, 步行到起點約20-30分鐘, 都可以接受啦... 跑完打算即晚回東京, 翌日就回港！

後記
富士山馬拉松於每年十一月舉行, 正值係河口湖既紅葉期, 所以跑富士山馬可以順道欣賞埋河口湖紅葉既美景。今次係第十五隻全馬, 上面都提到, 之前腳傷抖左一年, 自已知道心肺大不如前, 今次都唔期望有咩成績, 只係諗住邊欣賞河口湖同西湖既景色邊享受跑步既樂趣... 除左自已既身體狀況之外, 其實仲有好多因素會影響到跑時既表現... 好似天氣就係其中一個非常重要既因素, 跑馬前一天到達河口湖整天都落雨, 心裡面不禁有點擔心... 直至第二天醒來, 望出酒店外仍是下著雨 >.< 幸好接近起跑時雨收細了 ^.^ 不過雨停了, 但氣溫卻比前一天上升了很多, 跑到一半已成身大汗了... 天氣熱對我來說真是一大障礙, 加上到了大約 20K 時有一段接近 1K 既長命斜, 真係幾有挑戰性... 心裡面一直叫自已努力, 一路跑左腳底冇痛, 但都唔敢亂黎, 同自已講要無傷完賽, 之後還有很多時間練番起既... 最後望住大會既里數標示牌 1K 1K 咁捱下去 (其實半馬後係半行半跑), 最後以 PW 既成績完成左第十五隻全馬, 一直很想要既富士山馬拉松完成牌亦到手了！雖然成績係強差人意, 但非常感恩既係跑完翌日行路係完全冇痛, 想起至少可以繼續跑步就心滿意足了！總括黎講, 除左交通較麻煩, 我覺得富士山馬拉松賽道漂亮, 是十分值得推薦的！

[2019 日本．關西和歌山] 溫泉美食慶生之旅

~Day 1~

5/10/2019 (Saturday) 香港 --- 晴, 大阪 --- 晴

香港 --> 關西國際空港 --> (大阪府) 黑門市場 --> 難波千日前 --> 道頓堀 --> 心齋橋 --> 天然温泉 夕霧の湯 ドーミーイン PREMIUM なんば

4:40 am

期待左好耐既全家族生日之旅出發喇, 由於近日香港既交通比較不穩定, 為免入機場有咩延誤, 一早 call 定車去機場...

到了機場就去 check in 寄行理, 可能星期一係公眾假期, HK Express 既 check in 櫃位超多人排隊... 寄好哂行理就過海關, 出境...

7:04 am
HK Express UO 850 航班準時起飛...

2019 Oct 日本．關西、和歌山．家族慶生 4 天之旅 - 行程規劃

~日本．關西 (大阪、神戶、奈良)、和歌山．家族慶生四天之旅~

日期: 5/10/2019 - 8/10/2019

繼上年既沖繩自駕遊, 我地又全家人一齊出動喇... 十月係姪女晴晴既三歲生日, 而我媽媽同姪女既生日只隔兩天, 所以我地決定黎一趟家族慶生之旅。上年去沖繩時晴晴還細, 訓多過玩 :p 今年話哂都三歲, 應該可以走多點路... 收集了家人的意見, 初步希望去大阪, 行程方面有人想行街, 有人想睇風景, 不過都唔緊要, 難唔倒我呢個日本通既, 最後我提議頭兩天玩大阪市區、奈良同神戶, 然後租車落和歌山同白濱, 咁就可以一次過行街街、睇鹿鹿、嘆神戶和牛、睇靚靚風景仲有我既至愛節目浸溫泉喇... 大家一致通過呢個家族慶生行程！

話哂晴晴都係細, 行程唔敢去得太盡, 只想屋企人可以睇到大自然靚景、享受日本美食、浸下溫泉, 好好咁享受呢個旅程！整個行程, 由關西既大阪開始, 因有家人未到過大阪, 所以到步就先逛下打卡熱點心齋橋、道頓堀同黑門市場。第二天就去奈良睇鹿鹿, 然後再去神戶嘆神戶和牛。第三天開始自駕遊, 渣車落和歌山縣參觀下和歌山城同黑潮市場, 然後落白濱睇下風景同浸溫泉, 最後去埋 outlet 掃貨就返回關西國際空港還車結束豐富既行程喇。

後記
整個關西和歌山之旅, 結合左熱鬧既大城市、具有日本傳統地位既城堡、大自然美景、溫泉美食同可以盡情購物既 outlet。為了慶祝晴晴同媽媽的生日, 我還預早 book 了神戶的神戶和牛晚餐, 另外還落重本, 白濱既溫泉酒店亦特別預約左兩間露天風呂付客室... 話落重本係冇講錯, 事關我咁鍾意浸溫泉都未試過咁豪 :p 不過為了家人開心就冇所謂啦！總結來說, 大家都玩得好開心, 最令人驚喜的竟然是晴晴在溫泉酒店既浴衣 look, 超級可愛啊！

2019 June 日本．九州 (長崎、佐世保、福岡)．軍艦島悠閒之旅

~日本．九州 (長崎、佐世保、福岡)．軍艦島悠閒之旅~

日期: 29/6/2019 - 1/7/2019

3天假期, 最適合就係去食去浸再配個世界遺產既快閃之旅, 今次既目標係位於日本九州長崎縣既軍艦島... 一個神秘既無人荒島... 睇下機票, 時間價錢都 ok 就決定成行。

既然目標已鎖定, plan 行程就十分容易了。坐零晨機往東京羽田, 轉內陸機到福岡, 再坐火車落長崎, 聽落係有點辛苦, 但要趕及參加星期六下午出發的軍艦島上陸 Tour 就只好如此... 之後往佐世保既九十九島, 最後回福岡逛街同參觀太宰府﹕

Day 1: 香港 --> 東京 --> 福岡 --> (長崎縣) 長崎 --> 軍艦島クルーズ --> 佐世保
Day 2: 佐世保 --> 九十九島パールシーリゾート --> (福岡縣) 福岡祗園
Day 3: 福岡祗園 --> 太宰府 --> 香港

地圖上看行程

在較大的地圖上查看2019 日本．九州 (長崎、佐世保、福岡)．軍艦島悠閒之旅

[2019 南美．馬丘比丘] Day 10-12 閒逛 Cusco 庫斯科

~Day 10~

7/6/2019 (Friday) 秘魯．庫斯科 --- 晴

Hotel --> Cusco City Tour --> Alejandro Velasco Astete International Airport (庫斯科國際機場) --> Jorge Chavez International Airport (豪爾赫•查韋斯國際機場) --> London Gatwick Airport (倫敦蓋特威克機場)

7:30 am

開心既時光真係過得好快, 今日已是最後一日行程喇, 早上 join 了個 Cusco City Tour 去看看古印加帝國首都 Cusco 近郊既遺跡... 最後一天嘆酒店早餐, 超級正啊, 仲有即整 Omelette...

[2019 南美．馬丘比丘] Day 9 秘魯隱世秘景．Rainbow Mountain 彩虹山

~Day 9~

6/6/2019 (Thursday) 秘魯．彩虹山 --- 晴

Hotel --> Rainbow Mountain (彩虹山) --> Terra Andina Colonial Mansion Hotel

3:00 am

昨天完成了馬丘比丘一天遊, 其實都夠攰了, 今天輪到最後一個朝聖地出場 - Rainbow Mountain 彩虹山... 這個行程是我指定要加的, 究竟呢個彩虹山有咩咁吸引, 要晨咁早起身, 坐4個鐘車去到山腳再要在高海拔爬升500m上山頂都要去呢？想知就要繼續睇...

參加了彩虹山一天團, 包早午餐, 由庫斯科 Cuzco 出發到彩虹山登山口... 今日既 guide 係一個後生女, 叫 Sayda Conde...

[2019 南美．馬丘比丘] Day 8 世界新七大奇蹟 x 秘魯「天空之城」．Machu Picchu 馬丘比丘

~Day 8~

5/6/2019 (Wednesday) 秘魯．馬丘比丘 --- 晴

Hotel --> Machu Picchu (馬丘比丘) --> Terra Andina Colonial Mansion Hotel

6:20 am

今日又到了萬眾期待, 又是什麼「一生人必要去一次」的朝聖地出場之日, 老實說, 這個號稱秘魯「天空之城」兼且是世界新七大奇蹟既世界遺產馬丘比丘, 確實是我心中的旅遊清單內位列頭幾位的目的地啊, 亦因為咁先促使呢趟南美之旅... 由於路途遙路, 晨咁早就要食早餐出發...

我真要再講多次, 我好少食得咁健康 :p

[2019 南美．馬丘比丘] Day 6-7 首次踏足 Peru 秘魯印加帝國．Cusco 庫斯科

~Day 6~

3/6/2019 (Monday) 秘魯．奧揚泰坦博 --- 晴

Hotel --> Jorge Chavez International Airport (豪爾赫•查韋斯國際機場) --> Alejandro Velasco Astete International Airport (庫斯科國際機場) --> Cusco (庫斯科) --> Ollantaytambo (奧揚泰坦博) --> Hotel Pakaritampu

4:00 am

又訓得幾個鐘就要起身, 原來房間望出去就係機場...

[2019 南美．馬丘比丘] Day 4-5 世界新七大自然奇景 x 世界三大瀑布．Iguazú Falls 伊瓜蘇瀑布

~Day 4~

1/6/2019 (Saturday) 阿根廷．伊瓜蘇 --- 天陰

Hotel --> Argentina's Iguazú National Park (阿根廷伊瓜蘇國家公園) --> Iguazú Falls (伊瓜蘇瀑布) (Argentina side) --> Viale Cataratas Hotel

6:15 am

今趟南美之旅既重點目標﹕伊瓜蘇、馬丘比丘同彩虹山。今日終於可以實現夢想, 一睹這個世界新七大自然奇景 - 伊瓜蘇瀑布。一早吃個豐盛早餐...

[2019 南美．馬丘比丘] Day 1-3 首次踏足 Brazil 巴西．Rio de Janeiro 里約熱內盧

~Day 1~

29/5/2019 (Wednesday) 香港 --- 晴

香港 --> London Heathrow Airport (倫敦希斯路機場) --> Brazil (巴西) --> Rio De Janeiro Galeao Antonio Carlos Jobim International Airport (里約熱內盧/加利昂-安東尼奧•卡洛斯•若比姆國際機場) --> Rio de Janeiro (里約熱內盧) --> Copacabana Mar Hotel

(28/5/2019)
11:00 pm

第二次南美之旅終於起行, 巨大既耶穌像、神秘既「天空之城」馬丘比丘、震撼既伊瓜蘇大瀑布, 仲有色彩繽紛既彩虹山, 等多一日我就黎到架喇, 好興奮好興奮...

晚上到達機場, 因飛機 delay 了, 先到 lounge 食啲野等上機...

(29/5/2019)
01:09 am
飛一轉南美確實係辛苦既, 淨飛行時間 (唔連轉機既等候時間) 至少要二十幾個鐘, 今次先飛12.5小時到達倫敦, 再飛11小時到達巴西既里約熱內盧, 總共係23.5小時 >.<

CX 255 飛往倫敦既航班終於起飛喇... 今次有點幸運, CX upgrade 左我去 premium economy class, 叫做坐得舒服啲, 可以訓番一覺好既...

2019 May 南美．巴西、秘魯．伊瓜蘇瀑布 x 馬丘比丘探秘之旅 12 天遊 - 行程規劃

~南美．巴西、秘魯．伊瓜蘇瀑布 x 馬丘比丘探秘之旅 12 天遊~

日期: 29/5/2019 - 9/6/2019

我很愛旅遊, 世界各地都有著自已獨特的生活文化、建築物、飲食習慣、美麗的自然景色和很多很多有趣的人和事。只有踏上這些地方既領域, 才可以親身體會到這些平時只能從旅遊雜誌、電視節目又或是網上遊記看到的東西。2019年其實沒怎麼外遊過, 只是2月去了日本東北看樹冰、4月去了日本關東看粉蝶紫藤芝櫻和5月與媽媽、朋友去了一趟台中短途之旅... 數量少了 (都拜腳傷所賜, 自芝加哥馬之後停賽), 但貴精不貴多, 每次旅程都並非去吃喝玩樂 (間唔中都有 hea trip 既), 反之每次都要找些獨特既東西看看, 就好似東北既樹冰同關東4月既花花咁... 黎到2019年中, 考慮到下半年工作上可能會有新安排, 請長假期亦唔知易唔易, 所以今年想早一點來個悠長假期, 目的地就係冇假期都唔駛諗既南美！回想第一次的南美之旅, 就係2015年既智利玻利維亞高原沙漠x天空之鏡探秘之旅, 睇到既靚景唔多介紹喇 (請睇番遊記啦 ^.^), 但結論係即使要坐成27個鐘飛機去同番黎要捱麵包都係非常值得的一次旅程。至於今趟既南美之行, 我心目中一早已鎖定了數個好想去既地方, 所以待假期落實後就落手 book 野喇。

繼玻利維亞既天空之鏡, 一路好想去既地方就係秘魯同巴西既兩大世界遺產﹕Machu Picchu (馬丘比丘) 同 Iguazu Falls (伊瓜蘇瀑布), 在網上找到很多南美的 Local Tour, 那就試試請他們幫我 plan 一個秘魯巴西之旅, 其中除了Machu Picchu 同 Iguazu Falls 外, 當然還要包括其他必去景點好似世界新七大奇蹟耶穌基督像啦... Agent 辦事效率好高, 當然啦, 賺你錢嘛, 好快就幫我 draft 左個 plan, 仲 quote 埋機票酒店價錢 tim... 我覺得個 plan 都唔錯, 包含了大路必去的景點, 而 Iguaza Falls 還安排從阿根廷及巴西兩邊的伊瓜蘇國家公園去遊覽... 只是後來我要求加上秘魯既 Rainbow Mountain (彩虹山) 同 Salinas de Maras (馬拉斯鹽田), Agent 又好快咁幫我加上了... 由於自已冇咩時間 plan 行程, 所以都決定幫襯個 Agent... Confirm 前自已用 Asia miles 換左香港至巴西同秘魯返香港既來回機票, 至於內陸航班就換唔倒喇, 飛行路線並不是太好, 坐 CX 要經 London 轉機, 但慳番張國際線機票已是非常抵啦, 大大降低了成本... 國際線機票搞掂左, 就經 Agent 買埋內陸線航班, 同 book 埋巴西秘魯10天團 (10D Iguazu Falls & Machu Picchu Tour), 費用已包當地酒店、景點入場、接送同 private guide... 行程大約係咁﹕

香港 --> Brazil (巴西) --> Rio de Janeiro (里約熱內盧) --> Iguazu Falls (伊瓜蘇瀑布) --> Peru (秘魯) --> Cuzco (庫斯科) --> Ollantaytambo (奧揚泰坦博) --> Maras Salt Mines (馬拉斯鹽田) --> Moray (莫蕾梯田) --> Machu Picchu (馬丘比丘) --> Rainbow Mountain (彩虹山) --> 香港

後記
行程上面已詳細介紹左, 精彩程度就看每天遊記啦... 因為南美確實少去, 我自已都唔太熟, 寧願搵 agent plan 行程, 係呢度不如就集中分享一下當地行程安排同旅後感啦！

今次只是隨意在網上 search 南美既 local tour, 見 SouthAmerica.travel 有好多 tour 都幾好, 又咁岩有個10日既巴西秘魯 tour, 正正就係我想去既地方, 咪問下佢地價錢, 點知個 agent 又幾好喎, email 覆得勁快, 你個行程想點改都幫你改, 基本上所有接送都會安排好哂, 如果參加 group local tour 的就會有人黎酒店接你... 臨出發前 agent 會 email 詳細行程俾你, 都幾仔細架, 有唔明既地方我都會即刻問佢, 佢又好快答覆我...

到真正出發喇, 每到一個機場, local guide 都會在接機大堂拎住個牌等我出來, 然後送我到酒店, 因為有 local guide 在, 就算言語不通都唔怕, 去到酒店會幫我 check in, 然後詳細咁講解黎緊既當地行程... 不論係 private tour 定 group tour, 當地既接送安排都好好, 每次都好準時... 而伊瓜蘇同庫斯科的 local guide 仲幫我搞埋離境航班既網上 check in tim, 真係好窩心... 另外全程安排既酒店亦不錯, 而 group tour 包既 lunch 都好正, 絕不馬虎...

出發前其實有啲擔心當地既治安問題, 但全程都有 local guide 真係唔駛怕... 總括而言, 我覺得去南美其實都係想睇世界奇蹟呀、世界自然奇景咁姐, 都冇咩必要話自由行, 如果願意花多少少 (其實今次個 tour 好平, 好抵玩), 我覺得跟團或者搵當地 agent plan 行程都唔錯, 值得推薦！。

2019 May 台灣．台北、台中 (阿里山、日月潭、清境、合歡山)．修學生日暨母親節 4 天之旅

~台灣．台北、台中 (阿里山、日月潭、清境、合歡山)．修學生日暨母親節 4 天之旅~

日期: 10/5/2019 - 13/5/2019

今次呢個旅程好特別, 話說讀左日文好多年, 到左今年2月終於畢業 (當然只係完成左學校既 N1 課程, 並不是真的考到 N1 啊, 哈...), 老師提議大家一齊去一趟台北修學旅行, 暫定日子係 10/5-13/5, 問左班上同學意見, 最後有兩位同學話會參加... 但呢段日子對我黎講意義重大, 有咩咁大呢？就係我一年一度既生日加上難得既生日遇上母親節啊, 本身我都諗緊點樣慶祝既... 諗下諗下, 其實慶祝不外乎都係食飯或者去旅行, 咁不如就與老師同學佢地一齊去, 咁呢個簡單既4日之旅就變得格外特別喇, 既是修學旅行, 又是生日暨母親節之旅 ^.^!  真係越諗越興奮, 不過我未問老師同學們是否介意與我媽媽同行喎, 即管問下, 好快就話冇問題 ^.^ 於是, 這個修學旅行團就由高橋老師、兩位同學 (ラーさんとあきとさん）加埋我與媽媽總共5人組成...

決定左成行, 我就在腦海中諗下行程, 諗下諗下, 又上網睇下啲 blog, 見台中啲景點好似好吸引咁喎, 跟當地3日團已可以走遍台中既主要景點, 又唔駛自已 plan... 其實台北已去過好多次, 反而台中我係好想去但一直都未有機會去, 突然諗今次可以去台中喎... 於是我就提議不如先去台北, 待老師探完朋友, 我地就往台中參加當地既 local tour... 老師與同學們看過台中既 local tour 後, 都贊成改去台中, 好野, 我終於可以去阿里山同清境喇！

最後落實左既行程係第一日先飛台北, 第二日一早搭高鐵往台中, 參加當地一個3日團 [阿里山日月潭清境農場合歡山超值豐富三日遊], 最後由台中飛返香港。同學們好好, らーさん幫忙買香港至台北機票, あきとさん就負責訂 local tour, 而我就負責訂台北酒店同買台中至香港機票。一切準備就緒, 等待出發！

地圖上看行程

在較大的地圖上查看2019 台灣．台北、台中 (阿里山、日月潭、清境、合歡山)．修學生日暨母親節 4 天之旅

世界遺產篇

~~ 世界遺產篇 ~~

~ 世界新七大奇蹟 ~

世界新七大奇蹟 (New Seven Wonders of the World) 是瑞士的新七大奇蹟協會 ( New 7 Wonders Foundation, N7W) 發起的在世界現存建於公元 2000年以前的建築中挑選七個代替舊的世界七大奇蹟的活動。發起原因是由於古代世界七大奇蹟中的六項早已不復存在, 而且都集中在地中海地區。其選舉方式是由網上和電話免費和付費投票決定, 已登記會員可免費投票一次, 如要再投票則需付款。投票於 2007年7月6日截至, 投票結果於 2007年7月7日在當地時間 9:30 在葡萄牙里斯本揭曉。(資料由維基百科提供)

於投票初期, 77 個項目被列入考慮範圍。列入的標準是: 建築必須是人造的, 2000年之前完成的和保護程度可以讓人接受的。最後埃及的金字塔被選為「榮譽奇蹟」, 自動當選。

世界新七大奇蹟	位於	Ivy足跡	相片
榮譽奇蹟﹕吉薩金字塔	埃及	Yes
佩特拉	約旦	Yes
里約熱內盧基督像	巴西	Yes
馬丘比丘	秘魯	Yes
奇琴伊察	墨西哥
羅馬競技場	義大利
泰姬瑪哈陵	印度	Yes
萬里長城	中國	Yes

~ 世界遺產 ~

世界遺產 (英語: World Heritage , 法語: patrimoine mondial), 又譯世界襲產, 是一項由聯合國支持、聯合國教育科學文化組織負責執行的國際公約建制, 以保存對全世界人類都具有傑出普遍性價值的自然或文化處所為目的。世界遺產可分為自然遺產、文化遺產和文化與自然雙重遺產。國際文化紀念物與歷史場所委員會等非政府組織作為聯合國教科文組織的協力組織, 參與世界遺產的甄選、管理與保護工作。

由於世界之大, 值得欣賞的地方眾多, 全世界總共有1092項遺產數目, 其中文化遺產845項, 自然遺產209項, 文化與自然雙重遺產38項, 我就只列出曾踏足過的世界遺產吧！(資料由維基百科提供, 截至2018年7月)

~ 各洲世界遺產總數 ~

區域	文化	自然	雙重	合計	筆者既足跡
非洲	52	38	5	95
阿拉伯國家	76	5	3	84	5
亞洲和太平洋地區	181	65	12	258	35
歐洲和北美洲	440	63	11	514	29
拉丁美洲和加勒比地區	96	38	7	141	7
合計	845	209	38	1092	76

~ 踏足過的世界遺產 ~ ^.^

區域	位於	文化	自然	雙重	相片
阿拉伯國家
	埃及	孟菲斯及其墓地金字塔 (1979)
	埃及	底比斯古城及其墓地 (1979)
	埃及	阿布辛拜勒至菲萊的努比亞遺址 (1979)
	約旦	佩特拉 (1985)
	約旦			瓦地倫(月谷)保護區 (2011)
亞洲和太平洋地區
	中國	長城 (1987)
	中國	北京故宮 (1987)
	中國		九寨溝風景名勝區 (1992)
	中國			峨眉山風景區 (1996)
	中國	頤和園 (1998)
	中國	天壇 (1998)
	中國	澳門歷史城區 (2005)
	中國		四川大熊貓棲息地 (2006)
	中國	蘇州古典園林﹕拙政園 (1997)、獅子林 (2000)
	中國	杭州西湖文化景觀 (2011)
	日本	姬路城 (1993)
	日本	古都京都的文化財 (1994)
	日本	白川鄉與五箇山的合掌造聚落 (1995)
	日本	廣島和平紀念館 (1996)
	日本	嚴島神社 (1996)
	日本	古都奈良的文化財 (1998)
	日本	日光的神社與寺院 (1999)
	日本	琉球王國的城堡以及相關遺產群 (2000)
	日本		知床半島 (2005)
	日本	石見銀山 (2007)
	日本	富士山 (2013)
	日本	長崎的隱性基督徒關連遺產 (2018)
	越南		下龍灣 (1994, 2000)
	柬埔寨	吳哥窟 (1992)
	印度	亞格拉堡 (1983)
	印度	泰姬瑪哈陵 (1983)
	印度	法特赫普爾西克里(勝利宮) (1986)
	印度	加德古塔 (1993)
	印度	簡塔．曼塔天文台 (2010)
	澳洲		大堡礁 (1981)
	澳洲			烏魯魯—卡塔丘塔國家公園 (自:1987;文:1994)
	澳洲		昆士蘭的濕熱帶地區 (1988)
	澳洲		弗雷澤島 (1992)
	澳洲		大藍山區 (2000)
	澳洲	雪梨歌劇院 (2007)
歐洲和北美洲
	英國	西敏寺 (1987)
	英國	倫敦塔 (1988)
	英國 (蘇格蘭)	愛丁堡的老城和新城 (1995)
	英國	格林威治海岸地區 (1997)
	冰島	辛格維力爾國家公園 (2004)
	挪威	布呂根 (1979)
	挪威		蓋倫格峽灣 (2005)
	丹麥	克倫堡城堡 (2000)
	丹麥 (屬地格陵蘭)		伊盧利薩特冰灣 (2004)
	芬蘭	芬蘭堡要塞 (1991)
	愛沙尼亞	塔林歷史中心 (老城鎮) (1997)
	土耳其	伊斯坦堡歷史區 (1985)
	土耳其			格雷梅國家公園和卡帕多細亞的岩石地點群 (1985)
	土耳其			希拉波利斯 - 棉花堡 (1988)
	土耳其	特洛伊考古地點 (1998)
	西班牙	格拉納達的阿爾罕布拉宮、赫內拉利費宮和阿爾拜辛 (1984, 1994)
	西班牙	安東尼．高迪的作品 (1984, 2005)﹕桂爾公園、桂爾宮和米拉之家 (1984)、維森斯住宅、聖家堂的誕生立面及地下室、巴特略住宅和桂爾居住區教堂地下室 (2005)
	西班牙	塞哥維亞老城鎮及其輸水道 (1985)
	西班牙	托萊多歷史城 (1986)
	西班牙	塞維亞的主教座堂、王宮和西印度群島檔案館 (1987)
	西班牙	巴塞隆納的加泰羅尼亞音樂宮和聖保羅醫院 (1997)
	奧地利	薩爾茲堡城歷史中心 (1996)
	奧地利	哈爾施塔特 (1997)
	德國	符茲堡 (1981)
	德國	班堡 (1993)
	俄羅斯	聖彼得堡歷史中心及其相關古蹟群 (1990)
	俄羅斯	莫斯科的克里姆林宮和紅場 (1990)
	俄羅斯	弗拉基米爾和蘇茲達里的白色古蹟 (1992)
	加拿大	魁北克歷史城區 (1985)
拉丁美洲和加勒比地區
	玻利維亞	蒂亞瓦納科 (2000)
	智利	瓦爾帕萊索的港口城市的歷史區 (2003)
	阿根廷		伊瓜蘇國家公園 (1984)
	巴西		伊瓜蘇國家公園 (1986)
	巴西	里約熱內盧 (2012)
	秘魯	庫斯科古城 (1983)
	秘魯			馬丘比丘 (1983)