[2015 南美．天空之鏡] Day 12 倒數迎接 2016 @ 聖地牙哥

~Day 12~

31/12/2015 (Thursday) 智利．聖地牙哥 --- 晴

Santiago --> City Tour --> Countdown --> Santiago --> Hotel Kennedy

8:45 am

起床後吃早餐...

9:20 am

今日係智利首都 Santiago (聖地牙哥) 一日遊...

聖地牙哥坐落於智利的中央, 是該國的首都, 同時是南美的第四大城市... 聖地牙哥市區旁有連綿不絕的安地斯山脈連峰, 在整個城市內幾乎都見到其壯闊的美景。其海拔高度偏高, 因此氣候溫和宜人, 不僅偏乾少降雨, 全年氣溫差也不大, 一年四季都很適合到此遊玩。

首先黎到 San Cristobal Hill...

[2015 南美．天空之鏡] Day 11 全世界海拔最高的首都﹕La Paz 拉巴斯

~Day 11~

29/12/2015 (Tuesday) 玻利維亞．拉巴斯 --- 晴

La Paz --> Valle de la Luna (月亮谷) --> Murillo Square --> El Alto --> El Alto International Airport (奧爾托國際機場) --> Santiago Arturo Merino Benitez Airport --> Chile (智利) --> Santiago (聖地牙哥) --> Hotel Kennedy

7:30 am

一早起身吃早餐...

[2015 南美．天空之鏡] Day 10 南美洲古文明遺跡．世界遺產 Tiwanaku 蒂亞瓦納科

~Day 10~

29/12/2015 (Tuesday) 玻利維亞．蒂亞瓦納科 --- 晴

La Paz --> Tiwanaku (蒂亞瓦納科) --> La Paz --> Stannum Boutique Hotel

8:30 am

回到大城市, 酒店的早餐都很有水準...

[2015 南美．天空之鏡] Day 8-9 全世界最大鹽沼「天空之鏡」．Salar de Uyuni 烏尤尼鹽沼

~Day 8~

27/12/2015 (Sunday) 玻利維亞．烏尤尼鹽沼 --- 晴

Hotel --> Pueblo Quemado --> Gruta de las galaxias --> Uyuni Salt Lake --> Isla Incahuasi (仙人掌島) --> *天空之鏡* Salar de Uyuni (烏尤尼鹽沼 ) --> Salt Hotel Cristal Samana

7:45 am

吃早餐...

[2015 南美．天空之鏡] Day 6-7 Bolivia 玻利維亞．色彩繽紛湖泊遊

~Day 6~

25/12/2015 (Friday) 玻利維亞．安第斯動物群國家保護區 --- 晴

San Pedro de Atacama --> Bolivia (玻利維亞) --> Reserva Nacional de Fauna Andina (安第斯動物群國家保護區) --> Fumarolas sol de manana --> Arbol de Piedra (石頭樹) --> Tayka Hotel del Desierto

8:15 am

吃過早餐後, 今天就要離開 Atacama 沙漠了...

9:00 am

完成三天既 San Pedro de Atacama 沙漠之旅, 驅車黎到智利同玻利維亞之間既邊境交界, 辦理智利離境手續後, 與 Francisco 道別, 繼而進入南美既另一神秘國度 Bolivia (玻利維亞) 喇...

[2015 南美．天空之鏡] Day 3-5 San Pedro de Atacama 阿塔卡馬沙漠3天遊

~Day 3~

22/12/2015 (Tuesday) 智利．聖佩德羅德阿塔卡馬 --- 晴

San Pedro de Atacama --> Atacama Salt Flat (阿塔卡馬鹽沼) --> Toconao --> Moon Valley (月亮谷) --> Hotel Altiplanico San Pedro de Atacama

7:00 am

訓左一覺好, 又適應左時差了, 起床後吃頓豐富早餐...

[2015 南美．天空之鏡] Day 1-2 首次踏足南美國度．Chile 智利

~Day 1~

20/12/2015 (Sunday) 香港 --- 晴

香港 --> Toronto Pearson International Airport (多倫多皮爾遜國際機場) --> Chile (智利) --> Santiago Arturo Merino Benitez Airport (聖地牙哥普達韋爾機場)

3:00 pm

嘩, 今次真係萬眾期待... 雖然成日去旅行, 但我真係冇諗過咁快可以去南美啊, 心情真係好興奮呀！到機場會合朋友, 再一齊到 lounge 食啲野...

2015 Dec 南美．智利、玻利維亞．高原沙漠 x 天空之鏡探秘之旅 15 天遊 - 行程規劃

~南美．智利、玻利維亞．高原沙漠 x 天空之鏡探秘之旅十五天遊~

日期: 20/12/2015 - 3/1/2016

對很多喜愛旅遊的亞洲人黎講, 即使是足跡已遍佈世界各地的旅行愛好者, 南美洲實在是一個只可遠觀卻未能踏足既地方... 主要原因是距離, 由香港去南美的任何一個國家, 少極都起碼要飛二十個鐘, 長時間的飛行時間實在是折磨人的... 其次就是價錢了, 飛到咁遠, 淨機票都夠你去兩轉日本了... 就當你不怕長途機, 又有大把銀兩, 都仲要有假期囉... 去程預兩日, 回程預三日, 去一轉起碼要請兩個星期假... 其實我都好怕搭長途機, 請假又難, 最重要就係冇乜銀兩, 咁又點會促成呢個南美之旅既呢？原因就係我一個朋友, 佢既足跡已遍佈世界各地, 既唔怕搭長途機, 又有假期又有銀兩, 呢個聖誕佢又同我講話要去南美既高原沙漠區同去睇天空之鏡, 問我去唔去... 我聽到南美呢兩個字已經雙眼發光, 再聽到天空之鏡就直頭想即刻請假 :p 認真說, 上面講左香港人少去南美既原因, 而家難得有人同我去, 我係十分之想去... 搭長途機都仲可以接受, 假期方面應該都不成問題, 令我猶豫不決既其實係銀兩... 去一次南美真係唔平, 唔係話駛左再搵過咁簡單呀 (証明我真係冇咩銀兩的...) 諗左好耐, 覺得呢次唔去可能真係要等退休先有機會, 好啦, 一於 join 朋友一齊去, 最多回來捱麵包...！

一提到南美, 人們多數會想到南美四國﹕秘魯、智利、巴西及阿根廷。四國中, 我地只會去其中一國, 行程由智利北部既 Atacama Desert (阿塔卡馬沙漠) 開始, 一直向東北方走, 橫過智利與玻利維亞的交界進入玻利維亞的 Siloli Desert (斯諾利沙漠)... 繼而向全世界最大既 Salar de Uyuni (烏尤尼鹽沼) 即鼎鼎大名既 *天空之鏡* 進發... 遊畢沙漠區同天空之鏡後, 返回大城市遊覽兩國首都﹕ La Paz (拉巴斯) 同 Santiago (聖地牙哥)... 雖然我都經常自由行, 但今次要深入高地沙漠區同烏尤尼鹽沼, plan 行程確實係有難度, 以下就提供一個簡單既路線俾大家參考下啦﹕

香港 --> Chile (智利) --> San Pedro de Atacama (聖佩德羅德阿塔卡馬) --> Bolivia (玻利維亞) --> Siloli Desert (斯諾利沙漠) --> Salar de Uyuni (烏尤尼鹽沼) --> La Paz (拉巴斯) --> Chile (智利) --> Santiago (聖地牙哥) --> 香港

後記
上面提到, 為左去呢趟南美之旅, 番黎可能要捱麵包, 果然, 錢駛了不少, 但非常非常值得 (是藉口嗎 :p)！呢趟南美之旅, 看到很多珍貴既隱世秘景, 大大小小兼色彩繽紛既湖泊、酷似月球既山脈地形、國家公園內的火山動物、一望無際既鹽沼、間歇泉區等等... 呢啲景色唔捱過27個鐘頭機都睇唔倒... 除左自然美景, 還有展示南美洲古文名既世界遺產 Tiwanaku... 最後仲有暢遊兩大首都 La Paz (拉巴斯) 同 Santiago (聖地牙哥)... 令我特別難忘的, 就是有機會在南美洲智利這裡參與倒數活動, 迎接2016年的來臨！最後提一提人們都關心的高山症吧, 今次去的地方平均位於高海拔4000米, 確是非常高, 我都有點高山症的徵狀, 但吃點 Coca Candy, 行路唔好咁急促, 同埋係酒店吸下氧氣, 整體問題都不大。

[2015 新加坡．馬拉松] Day 3 極具挑戰既濕馬・新加坡渣打馬拉松

~Day 3~

6/12/2015 (Sunday) 雨

酒店 --> 新加坡渣打馬拉松 --> 牛車水 --> 樟宜國際機場 --> 香港

4:30 am

終於到左今趟快閃之旅既主角 － 新加坡渣打馬拉松 (Standard Chartered Marathon Singapore 2015)。話哂都只係第二隻海外馬，琴晚都有啲緊張，又驚唔知醒遲到冇得跑，所以都訓得唔係幾好...

換好戰衣，帶齊所需物品就搭的士去會場，起點係 Sentosa Gateway...

由於唔想帶咁多野，尤其係貴重物品，所以冇帶電話，即係冇得影相... 不過係呢個資訊咁發達既年代，如果大家想知新加坡渣馬既進行情況又有幾難呢？想知 Race information 可以去上面個 official website，又或者可以去 youtube search "SCMarathonSingapore" 睇番比賽當日既 highlights...

[2015 新加坡．馬拉松] Day 2 環球影城

~Day 2~
5/12/2015 (Saturday) 雨

酒店 --> 環球影城 (Universal Studios) --> 魚尾獅公園 (Merlion Park) --> 老巴殺 (Lau Pa Sat) --> M Hotel Singapore

9:30 am

今日會去環球影城, 由酒店出發，先搭 MRT 去 Harbour Front Station，再轉搭 Sentosa Express。

[2015 新加坡．馬拉松] Day 1 重遊新加坡．文華朝聖嘆海南雞飯

~Day 1~
4/12/2015 (Friday) 香港 --- 晴, 新加坡 --- 晴

香港 --> 樟宜國際機場 --> Singapore Expo --> 文華大酒店 Chatterbox --> 摩天輪 (Singapore Flyer) --> M Hotel Singapore

9:00 am

出發喇，因為與朋友同行，所以好乖咁一早到左機場... check in 之後入閘，然後去大家樂食早餐。

10:55 am
TR 2063 飛往新加坡既航班準時起飛...

由於呢個朋友只係為左去「跑」，所以廉航係佢既首選。我見上年坐老虎航空 Tiger Airways 都唔錯，今年再 encore 幫襯佢先。唔止航空公司一樣，買左機票先發覺就連來回航班時間都同上年聖誕之旅既一模一樣...

3:00 pm
大約四個鐘就到左新加坡既樟宜機場, 入左境就醫下個肚先...

2015 Dec 新加坡渣打馬拉松 3 天之旅 － 行程規劃

~新加坡渣打馬拉松 3 天之旅~

日期: 4/12/2015 - 6/12/2015

係十月頭既某一日，有個朋友話十二月想去新加坡跑個半馬。話說我七月先係澳洲既 Ayers Rock 跑完番黎，黎緊十月尾又 plan 左同屋企人去日本，如果十二月又去新加坡好似有啲過份... 不過呢個朋友就話新加坡咁近，去三日都夠，咁我見都係請一日假，仲係渣打馬拉松，好啦，去跑轉儲番個完賽獎牌啦！

由於距離比賽只有兩個月時間，所以決定左去跑就即刻上網報名，然後就買機票同 book 酒店喇，真係話都冇咁易... 由於只去三天，星期五出發，星期日朝早起跑，跑完當晚回港，所以去玩既時間不多。加上上年聖誔已同屋企人去左一轉新加坡，所以今次主要都係就朋友，帶佢去啲必去景點就算了。好似魚尾獅公園 (Merlion Park)、新加坡摩天輪 (Singapore Flyer) 同環球影城 (Universal Studios)。手信方面就梗係去牛車水買林志源啦！至於食呢方面，朋友就比較有要求，除左帶佢去食老巴剎既沙嗲串燒、咖央多士呢啲例牌野之外，我地仲去左文華大酒店（Mandarin Orchard）既 Chatterbox 食海南雞飯，雖然價錢係貴，但真係好好食喎... 其實相比質素差不多既香港君悅酒店 (Grand Hyatt)，新加坡算抵食啦！本人係極度推介 Chatterbox！

今次係我既第二個海外半馬，同第一次既澳洲內陸馬拉松感覺好唔同。上次係初馬，經驗尚淺，但由於當時澳洲係冬天，我就最怕熱架喇，所以都能輕鬆完成。今次係一隻濕馬，朝早6:30係 Sentosa 出發，經過 Universal Studios，好記得只係跑左 2km 已經成身濕哂，由 12km 開始仲要係個大太陽下頂到尾，終點係 City Hall。而家諗番起都覺得恐怖，不過最後都能順利完成，成績仲比第一次既半馬快左四分鐘，總算冇白費呢兩個月既練習，好開心！

[2015 九州．紅葉] Day 5 唐戶市場超正海鮮大餐

~Day 5~

1/11/2015 (Sunday) 晴

小倉 -->  門司港 --> 唐戶市場 --> 福岡空港 --> 香港

8:15 am

房間內望到的小倉市景色...

[2015 九州．紅葉] Day 4 大分人氣溫泉．由布院 x 別府地獄

~Day 4~

31/10/2015 (Saturday) 晴

由布院溫泉 -->  湯の坪街道 --> 別府地獄 --> 小倉 --> サンスカイホテル小倉

8:30 am

呢間溫泉酒店既早餐幾特別, 係半自助形式, 客人可以隨意享用一些前菜如野菜、玉子蛋卷同咖啡茶, 另加一個燒魚 set...

[2015 九州．紅葉] Day 3 醉人景色．阿蘇火山 x 九重夢大吊橋

~Day 3~

30/10/2015 (Friday) 晴

南阿蘇溫泉 --> 草千里 (阿蘇火山) --> 九重"夢"大吊橋 --> 由布院溫泉．御宿ゆふいん亭

8:15 am

一早醒來, 準備去吃早餐...

[2015 九州．紅葉] Day 2 日本三大名城．熊本城

~Day 2~

29/10/2015 (Thursday) 晴

福岡 --> 熊本城 --> 上通町．下通町 --> 南阿蘇溫泉．白水温泉竹の倉山荘

8:00 am

今日開始自駕遊, 由福岡縣駛進熊本縣, 由於酒店冇包早餐, 時間又尚早, 索性 check out 後直接去租車先...

[2015 九州．紅葉] Day 1 家族旅行出發．首次踏足九州

~Day 1~

28/10/2015 (Wednesday) 香港 --- 晴, 福岡 --- 晴

香港 --> 福岡空港 --> 天神 --> 中洲川端 --> Hotel Nikko Fukuoka

7:00 am

第二次家族旅行出發喇, 一早俾阿媽叫醒, 佢好驚趕唔切上飛機, 哈哈... 連同阿妹三人搭的士到機場...

的士司機手車勁快, 半個鐘就到左機場, check in 之後就入閘等上機...

2015 Oct 日本．九州紅葉溫泉 5 天自駕遊 - 行程規劃

~日本．九州 (福岡、熊本、大分)．紅葉溫泉五天自駕遊~

日期: 28/10/2015 - 1/11/2015

話說上年聖誕同屋企人去完新加坡之後, 大家對我呢個領隊兼導遊非常滿意, 咁我又計劃一下同屋企人既第二次外遊啦。由於本人工作十分忙碌, 有假期都要去探索世界, 所以同屋企人既旅行, 我都唔想哂左啲 quota, 想盡量去啲我未去過既地方, 哈哈... 思前想後,  決定十月尾黎個北九州紅葉溫泉自駕遊。今次已是第十三次日本遊, 就是未去過九州同沖繩, 加上呢段時間有我最愛既紅葉睇, 真係 fit 到爆呀！

由於同屋企人同行, 行程唔敢去得太盡, 只想屋企人可以睇到大自然靚景、享受日本美食、浸下溫泉, 好好咁享受呢個自駕遊！整個行程, 由福岡縣開始, 行下福岡天神地下街, 去 outlet shopping 同參觀下中洲川端既地道屋台。感受完福岡城市既活力之後就開始自駕遊, 探索一下九州大自然既美景。首先駛進熊本縣既熊本城同阿蘇火山, 再向大分縣既九重"夢"大吊橋、由布院同別府地獄進發, 當中在南阿蘇、由布院住了兩晚溫泉酒店。最後駛回福岡縣既門司港同順道去埋只有一海之隔既唐戶市場嘆美味海鮮。

整個九州之旅, 唔止屋企人, 就連我自己都玩得非常開心, 皆因靚景、溫泉、美食樣樣有齊, 我仲愛上左九州呢個地方 tim, like x 100 呀！本身我都鍾意睇靚景, 九州呢個地方絕對滿足到鍾意大自然既你... 熊本城、阿蘇既景色正, 九重夢大吊橋同由布院既紅葉更加令人興奮... 除左靚景, 阿蘇同由布院既溫泉亦係值得一讚... 至於美食, 可能唔及大阪選擇多, 但福岡既一蘭、季樂佐賀牛、熊本勝烈亭豬扒飯同唐戶市場既壽司刺身大餐, 就連屋企人食完都讚不絕口！當然啦, 有我 plan 行程同做導遊喎, 梗係正！其實我能做到的, 我都會盡量做, 唯一比較辛苦的, 就是整個旅程得我一個人渣車, 渣足四日, 有時都幾攰架, 所以行程上編排得鬆動啲係無錯既！

[澳洲．內陸馬拉松] Day 6-8 閒逛墨爾本 Melbourne

~Day 6~
28/7/2015 (Tuesday) 墨爾本 -- 晴

酒店 --> 艾爾斯岩機場 --> 墨爾本機場 --> 墨爾本 (Melbourne) --> 費蓮達火車站 (Flinders Street Station) --> 聯邦廣場 (Federation Square) --> Crown Casino --> Adina Apartment Hotel Melbourne Northbank

9:30 am
今日要離開艾爾斯岩喇, 一早走到 Town Square 買 post cards...

[澳洲．內陸馬拉松] Day 4-5 澳洲北領地．卡塔丘塔 Kata Tjuta x 國王峽谷 Kings Canyon

~Day 4~
26/7/2015 (Sunday) 艾爾斯岩 --- 晴

酒店 --> Uluru Sunrise Tour --> Half Day Tour (卡塔丘塔半天遊): Kata Tjuta Tour --> Celebration Dinner --> Desert Gardens Hotel

6:30 am

剩下兩天在艾爾斯岩, 今天一早會參加 local tour 去看日出...

[澳洲．內陸馬拉松] Day 1-3 跑在世界中心．海外初半馬澳洲內陸馬拉松

~Day 1~
23/7/2015 (Thursday) 香港 --- 晴

香港 --> 墨爾本機場 (Melbourne Airport)

5:30 pm
放工後趕到機場, 點知 check in 時知道航班 delay 了...

8:10 pm
原定 7:10 pm 起飛既國泰航空 CX 135 航班, 最後等到 8:10 pm 先起飛, 遲了約一小時 >.<...

2015 July 澳洲．內陸馬拉松 x 北領地墨爾本 8 天之旅 - 行程規劃

~澳洲．內陸馬拉松 x 北領地墨爾本 8 天之旅~

日期: 23/7/2015 - 30/7/2015

又到了7月工作上比較清閒可以放下假既月份, 雖然話冇咁忙, 但因老細都要放假, 大家傾下傾下其實我都只可以在7月尾放到8日咁大把... 諗左好耐, 8日其實去唔到幾遠, 上網 search 下發現澳洲內陸艾爾斯岩正正係7月尾有一個馬拉松... 由2013年開始跑步, 到而家大約跑了2年, 但從未參加過比賽啊, 一黎就參加半馬會唔會有點吃力呢？不過澳洲內陸既北領地, 仲有位於世界中心既火紅色岩石艾爾斯岩, 好似好吸引咁喎... 考慮左數天, 由於冇其他更好既選擇, 一於決定飛去參加我首個海外既初半馬賽事, 順道遊覽澳洲北領地艾爾斯岩同墨爾本囉...

要參加 Australian Outback Marathon, 一定要經 Travelling Fit 報名, Travelling Fit 會提供不同的 package 供跑友選擇, package 除了包參賽名額, 還包括酒店、賽前 Carbo Load dinner、賽後 Celebration dinner 以及所有大會拍攝的照片同 video... 這與其他馬拉松賽事不同, 跑手不能只報馬拉松而不買 package 的, 所以是否值得參與, 大家要細心考慮... 除了參加馬拉松外, 遊覽艾爾斯岩當然亦係我既主要目的之一啦, 或者應該說, 主要去旅行, 順道去跑個半馬吧 :p 所以好簡單咁買左個跑手 package 之後, 基本上都不用 plan 太多野, 另外再加多幾個自選的 tour 就搞掂, 分別係 Helicopter Tour, Uluru Sunset Tour, Uluru Sunrise Tour, Kata Tjuta Half Day Tour 同 Kings Canyon Day Tour。最後3天留在墨爾本, 其中一天參加當地既一日團去看看七彩小屋、坐蒸汽小火車同去企鵝島看看企鵝表演... 去澳洲呢, 如果不是自駕, 都係參加 local tour 方便一些。

[2015 蘇格蘭．高地自駕] Day 9-11 倫敦 London 2日遊

~Day 9~
10/4/2015 (Friday) 倫敦 London --- 晴

酒店 --> 愛丁堡機場 (Edinburgh Airport) --> 倫敦希斯路機場 (Heathrow Airport) --> 倫敦 (London) --> London Eye --> 大笨鐘 Big Ben --> 西敏寺 (Westminster Abbey) --> 威斯敏斯特主教座堂 (Westminster Cathedral) --> 白金漢宮 (Buckingham Palace) --> Her Majesty's Theatre: The Phantom of the Opera --> Holiday Inn Express Earls Court

7:00 am
今日要離開玩左7日既蘇格蘭喇, check out 後直接駛往愛丁堡機場還車...

[2015 蘇格蘭．高地自駕] Day 7-8 蘇格蘭兩大城市．格拉斯哥 Glasgow x 愛丁堡 Edinburgh

~Day 7~
8/4/2015 (Wednesday) 格拉斯哥 Glasgow --- 晴

酒店 --> 格拉斯哥大學 (Unversity of Glasgow) --> 格拉斯哥大教堂 (Glasgow Cathedral) --> 斯特靈城堡 (Stirling Castle) --> 愛丁堡 (Edinburgh) --> Allison House

9:00 am
離開高地回到大城市, 酒店都比較人多, 食早餐都少左一份悠閒既感覺, 自然胃口都細左...

[2015 蘇格蘭．高地自駕] Day 5-6 隱世秘境．天空島 Isle of Skye x 格倫科峽谷 Glencoe

~Day 5~
6/4/2015 (Monday) 天空島 Isle of Skye --- 晴

酒店 --> Eilean Donan Castle --> Old Man of Storr --> Lealt River --> 威廉堡 (Fort William) --> Nevis Bank Inn

8:00 am
已是第三天嘆蘇格蘭式早餐, 又係多士再加自選早餐... 看看 menu, 然後點自已想食既野就可以架喇, 叫幾多都得既... 大家留意下 menu 入面有種食物叫 Haggis, 之前唔知係咩黎, 就係相入面右下角好似冬菇果舊野, 係蘇格蘭既傳統菜式, 以羊肉、牛肉、內臟、洋蔥等蔬菜以及燕麥放在用羊胃做的袋子裡烹煮而成, 多搭配蕪菁泥和土豆泥一起吃。

[2015 蘇格蘭．高地自駕] Day 3-4 向蘇格蘭高地進發．從尼斯湖 Loch Ness 到最北端 John O' Groats

~Day 3~
4/4/2015 (Saturday) 印威內斯 Inverness --- 晴

酒店 --> 蘇格蘭高地 (Highland of Scotland) --> 印威內斯 (Inverness) --> 尼斯湖 (Loch Ness) --> 阿克特城堡 (Urquhart Castle) --> 鄧羅賓城堡 (Dunrobin Castle) --> 維克 (Wick) --> The Nethercliffe Hotel

8:00 am
黎緊每日既朝早都可以嘆蘇格蘭英式早餐... 好多包包呀, 除左自助 bar 任選既包包之外, 店員仲會另外端上多士俾客人, 其實駛唔駛咁多包？哈...

[2015 蘇格蘭．高地自駕] Day 1-2 阿伯丁天空之城．鄧諾特城堡 Dunnottar Castle

~Day 1~
2/4/2015 (Thursday) 香港 --- 晴

香港 --> 倫敦希斯路機場 (Heathrow Airport)

22:00 pm
今次好難得可以同一個舊同事兼朋友去一趟長途旅行... 呢個朋友係正宗日本控, 今次可以一齊去英國確實係好難得架...

11:45 pm
乘搭英國航空 BA 028 航班飛往倫敦 London。

2015 April 英國．倫敦、蘇格蘭高地深度自駕遊 11 天

~英國．倫敦、蘇格蘭高地深度自駕遊 11 天~

日期: 2/4/2015 - 12/4/2015

今次係一個比較特別既旅程, 因為有個朋友話啲 Asia miles 就到期, 叫我一齊去轉旅行... 原本想去澳洲或新西蘭既, 不過果面既機票確實係好難換, 最後我地決定去蘇格蘭深度自駕遊, 最後停留倫敦2日。

今次真係玩轉成個蘇格蘭, 睇下下面個地圖就一目了然, 我地由蘇格蘭東北面城市阿伯丁 (Aberdeen) 開始, 一路經過高地到達大不列顛王國最北端, 再沿北海岸走到西南面既格拉斯哥 (Glasgow), 最後以為人熟悉既愛丁堡 (Edinburgh) 作為蘇格蘭尾站, 剛剛好環繞蘇格蘭一周。隨後飛往倫敦 (London), 停留2天再飛回香港結束旅程！

後記

諗起蘇格蘭 Scotland, 腦海中就會浮現格仔花紋、笛、水怪、飄零燕呢啲零碎既東西, 經過呢次蘇格蘭高地深度自駕遊之後, 呢啲野真係出現哂係我眼前呀, 咁當然就冇水怪啦, 不過就去左水怪既家鄉尼斯湖... 如果你都喜愛大自然景色, 咁蘇格蘭就真係好岩你, 有山有水加上好靚既英式城堡, 每一個地方都令人感覺置身係世外桃源一樣... 即使係高地以外既大城市格拉斯哥同愛丁堡, 既保留著傳統英式味道, 又不像倫敦咁人來人往, 絕對係值得遊覽既好地方。