[2014 新加坡] Day 4 牛車水買手信

~Day 4~

28/12/2014 (Sunday) 晴

酒店 --> 牛車水 --> 樟宜國際機場 --> 香港

8:15 am

又到左聖誕之旅既最後一日, 又嘆酒店早餐 ^.^

[2014 新加坡] Day 3 馬來西亞 Legoland

~Day 3~

27/12/2014 (Saturday) 新加坡 --- 雨, 馬來西亞 --- 雨

酒店 --> Malaysia Legoland --> 金沙商場 --> 烏節大酒店

7:30 am

今日會去馬來西亞既 Legoland, 一早又嘆個靚早餐先...

[2014 新加坡] Day 2 環球影城

~Day 2~
26/12/2014 (Friday) 雨

酒店 --> 環球影城 (Universal Studios) --> 摩天輪 (Singapore Flyer) --> 濱海灣金沙 (Marina Bay Sands) --> 金沙商場 --> 烏節大酒店

8:30 am

今日會去環球影城, 出發前係酒店食早餐, 自助早餐不錯, 選擇頗多, 味道又不錯, 推薦 ^.^

[2014 新加坡] Day 1 魚尾獅既熱辣辣聖誕節

~Day 1~
25/12/2014 (Thursday) 香港 --- 晴, 新加坡 --- 晴

香港 --> 樟宜國際機場 --> 濱海藝術中心 (Esplanade) --> 魚尾獅公園 (Merlion Park) --> 老巴殺 (Lau Pa Sat) --> 烏節大酒店

8:30 am

出發喇, 一家人既聖誕之旅終於出發喇, 係度祝大家聖誕節快樂先... 媽咪晨咁早起左身, 好驚遲左上唔倒機咁喎... 三個人連埋行理, 搭的士去機場啦... 嘩, 個司機唔知係咪趕下場, 好快就到左機場...

走去老虎航空個 counter, 唔多覺有 check in 人龍既, 問下 d 職員, 原來 check in counter 仲未開 >.< 自已去旅行多數都係驚趕唔切 check in 既姐, 你話早到連 check in counter 都未開就真係第一次 :p... 反正都要等, 去 pacific coffee 嘆杯咖啡先...

2014 Dec 新加坡聖誕悠閒之旅 4 天遊 - 行程規劃

~新加坡聖誕悠閒之旅四天遊~

日期: 25/12/2014 - 28/12/2014

今年既聖誕節有幾日假期, 打算請媽咪去個短 trip, 主要都係行下街食下野咁啦... 俾左幾個地方媽咪揀, 都係 D 近近地既東南亞地方, 有台灣、新加坡、韓國咁啦... 最後媽咪話想去新加坡, 雖然都幾貴, 不過我又未去過喎, 咁就一於同媽咪加埋阿妹去一轉新加坡啦！回想起來, 自已去旅行就去得多, 同屋企人去旅行竟然係第一次 (大陸澳門唔算的話), 由買機票、訂酒店、plan 行程, 以至當地既領隊工作, 都係由我一手包辦, 真係仲辛苦過自已一個人去呢！不過去完番黎, 屋企人對我安排既酒店同行程都非常滿意, 雖然駛左唔少錢, 但最緊要大家玩得開心！

由於同屋企人同行, 行程方面都盡量簡單, 每日安排既景點都唔太多, 以免屋企人辛苦。觀光方面主要係 D 必去景點, 好似魚尾獅公園 (Merlion Park)、新加坡摩天輪 (Singapore Flyer)、濱海灣金沙 (Marina Bay Sands) 等等。中間兩日就分別去左環球影城 (Universal Studios) 同馬來西亞既 Legoland, 唔好以為老人家唔岩玩, 我媽咪都唔知幾鍾意去呢 D 主題樂園, 哈哈！買野方面就帶屋企人去牛車水買手信... 咩林志源、胡振隆、馮滿記、斑蘭蛋糕... 買左好鬼多野囉... 除左玩之外, 仲有梗係唔少得試盡當地既美食啦, 有老巴剎既沙嗲串燒、排成半個鐘先食到既天天海南雞飯、阿坤咖央多士, 仲有必吃既肉骨茶、魚丸麵等等... 真係食足咁多日, 好滿足！

最初決定同屋企人去旅行既時候, 原本想跟團既, 一黎係我懶啦, 唔想 plan 行程, 二黎係怕屋企人行得多路辛苦... 但係屋企人又話想自由行喎, 梗係啦, 又唔駛佢地 plan 野... 幸好新加坡係一個好先進既國家, 交通方便, 大部份既地方只需搭地鐵就可以去到, 就算唔識路都可以問下人, 新加坡人英文水平高, 又好 nice 架, 所以自由行都好鬼容易。唯一有點美中不足既就係天氣, 我地去左四日, 中間兩日都落雨, 仲要係環球影城玩緊架嘛, 真係落住雨睇 WaterWorld, 夠哂應景！總結整個旅程, 媽咪同阿妹都玩得好開心, 食左好多美食, 買左好多手信, 仲問我下次幾時再一齊去旅行, 哈哈... 好啦, 等我儲下彈藥先...！

[2014 釜山．紅葉] Day 4 閒逛西面一番街

~Day 4~

11/11/2014 (Tuesday) 晴

西面 --> 西面一番街 --> 金海國際機場 --> 香港

9:15 am

話咁快又到左呢個紅葉之旅既最後一日, check out 之後再去 Starbucks 嘆番一個悠閒早餐 ^.^ 如果每朝都可以係呢個環境慢慢享受呢杯咖啡, 你話幾好呢？

[2014 釜山．紅葉] Day 3 梵魚寺賞紅葉

~Day 3~

10/11/2014 (Monday) 晴

西面 --> 梵魚寺 --> 海雲台 --> 冬柏島 --> 廣安大橋 --> 釜山西面 Toyoko-inn

9:25 am

今日嘆番個東橫 Inn 早餐先, 食下泡菜對身體有益, 加上等陣要去行山睇紅葉, 都係食定 D 白飯打個底先 :p 只係影左一張相, 後來係電腦睇番先知 out of focus >.<

[2014 釜山．紅葉] Day 2 釜山馬丘比丘 - 甘村洞文化村

~Day 2~

9/11/2014 (Sunday) 晴

西面 --> 太宗臺 --> 甘村洞文化村 --> 富平市場 --> 扎嘎其海鮮市場 --> 國際市場 --> 釜山塔 --> 釜山西面 Toyoko-inn

9:00 am

悠閒之旅第二天, 朝早去 Starbucks 嘆早餐 ^.^

除左杯好好味既咖啡之外, 呢度既佈置、擺設、裝飾都好值得大家去欣賞... 係度食早餐真係好舒服, 唔似香港咁俾人霸哂 D 位黎做功課 >.<

[2014 釜山．紅葉] Day 1 南浦洞掃街

~Day 1~

8/11/2014 (Saturday) 香港 --- 晴, 釜山 --- 晴

香港 --> 金海國際機場 --> 南浦洞 --> 釜山西面 Toyoko-inn

8:15 am

去咁多次旅行, 反而咁受香港人愛戴既韓國我只係第二次去, 真係失禮... 第一次去左首爾, 今次會去南部既釜山。早左個半鐘黎到機場, 嘩, 去到 check in counter, 乜咁多人排隊呀... 搞好哂 check in 都成 8:45 am, 望一望張登機證, 登機時間係 8:45 am, 唔係掛, 早餐都未食喎...

拿拿聲出境, 過安檢... 原來仲要駁車上機, 唔怪得要預咁多時間啦... 因為時間緊迫, 途中係 Starbucks 買左杯咖啡同三文治就去登機喇, 連 Lounge 都去唔倒, 蝕水呀。

2014 Nov 韓國．釜山紅葉之旅 4 天遊 - 行程規劃

~韓國．釜山紅葉之旅四天遊~
日期: 8/11/2014 - 11/11/2014

八月先去完一個北歐大旅行, 理應要好好工作繼續賺取旅費, 點知有一日見到 HK Express 做 promotion, 其實 HK Express 就成鬼日都做 promotion 架啦, 平時都吸引唔倒我既... 但係咁岩見到去釜山既機票好鬼平, 我又未去過釜山, 加上撞正我最愛既紅葉期, 咁不如係十一月加插一個韓國釜山紅葉之旅啦, 嘩哈哈！

整個行程非常簡單，只是去韓國既南部釜山 - 韓國既第二大城市。主要都係去休息下, 睇下紅葉, 自然風景, 食下野咁啦... 雖然釜山冇首爾咁多遊客, 但係景點都幾多架... 我去左南浦洞、西面、國際市場一帶 shopping 買手信, 睇自然風景就去左太宗臺、海雲台同冬柏島, 睇紅葉就梗係要去梵魚寺啦... 另外仲去左一個新興景點 - 甘村洞文化村, 一個好有歐洲 feel 既地方, 值得推薦！美食方面就梗係唔少得釜山既傳統美食炒辣年糕同豬肉湯飯啦, 反而香港人喜愛既海鮮我就冇食到... 留待下次吧！

去得韓國, 我諗好多人都係為左 shopping 同食野, 我就反而係以睇風景睇紅葉為首要目標, 其次係休息下 hea 下咁... 我去得最多既餐廳唔係韓國既餐廳, 而係 coffee shop！我超鍾意飲咖啡, 而韓國既咖啡文化係極之濃厚, 韓國既 Starbucks 就好似香港既 7-Eleven 咁, 梗有一間係左近既, 隨便走在街上, 搵一間咖啡室係易過搵一間韓國餐廳, 正正岩哂我... 每天既早餐或者 lunch, 隨便找一間 coffee shop, 叫一杯 Cappuccino 加上一份三文治, 慢慢享受果份悠閒, 我諗係香港係好難做到... 今次雖然只係去左四日, 仲要係冇咩點 plan, 但就真真正正可以放低工作, 享受假期, 重點係只需要一個超平既價錢就可以欣賞到咁靚既紅葉, 真係正！

[2014 北歐．北極光] Day 15-16 冰島後會有期 ．帶著幸福回家去！

~Day 15~

5/9/2014 (Friday) 晴

雷克雅維克 (Reykjavik) --> 冰島國際機場 --> 奧斯陸國際機場 --> 多哈國際機場

4:45 am
今早就要離開冰島, 結束呢個極光之旅喇... 話說岩岩先睇完極光番黎, 我都唔記得究竟有冇訓過, 拖著行理在民宿外等 shuttle bus 黎接送...

5:45 am
天都未光就黎到機場喇...

[2014 北歐．北極光] Day 14 冰島火山．夢幻極光初體驗

~Day 14~

4/9/2014 (Thursday) 晴

雷克雅維克 (Reykjavik) --> Local Tour: Snaefellsnes National Park Tour and Northern Lights Mystery Tour --> 雷克雅維克 (Reykjavik)

7:45 am
話咁快又黎到今趟大旅行既最後一日, 一早起身嘆個早餐先, 之後就要出發往冰島最後一個迷人景點喇...

溫馨既民宿...

[2014 北歐．北極光] Day 13 散步於世界最北首都﹕雷克雅維克

~Day 13~

3/9/2014 (Wednesday) 雨

雷克雅維克 (Reykjavik) --> City Walk --> Local Tour: Northern Lights Mystery Tour --> 雷克雅維克 (Reykjavik)

9:00 am
之前提過 book 唔到連續六晚 Guesthouse 既住宿, 最後兩晚要轉去另一間就近市中心既民宿, 所以今日主要既行程係首都雷克雅維克 city walk...

訓晏啲嘆埋個早餐就 check out...

11:50 am
拖著行理走到呢間位於市中心既民宿 Eric the Red Guesthouse, 位置真係一流, 就在市中心大教堂對面...

[2014 北歐．北極光] Day 12 冰島千年冰河 Glacier Lagoon Jökulsárlón

~Day 12~

2/9/2014 (Tuesday) 陰

雷克雅維克 (Reykjavik) --> Local Tour: Glacier Lagoon (Jökulsárlón) --> 雷克雅維克 (Reykjavik)

7:15 am
繼冰島既藍湖同金圈之旅行程後, 溫泉、地熱間歇泉、瀑布都睇過喇, 今日要出發往冰島東部欣賞下冰島既千年冰河 Jökulsárlón。由於路途非常遙遠, 一日團大約需要14小時, 朝早七點幾出發, 晚上七點幾回程, 所以一早就要食早餐, 仲要趕到相都冇影...

7:45 am
食完早餐就等 shuttle bus 黎啦... 

[2014 北歐．北極光] Day 11 冰島經典遊．Grand Golden Circle 金圈之旅

~Day 11~

1/9/2014 (Monday) 陰

雷克雅維克 (Reykjavik) --> Local Tour: 金圈之旅 (Grand Golden Circle) --> 雷克雅維克 (Reykjavik)

7:30 am
又嘆我至愛既歐式早餐...

[2014 北歐．北極光] Day 10 冰島地熱溫泉．Blue Lagoon 藍湖

~Day 10~

31/8/2014 (Sunday) 雨

雷克雅維克 (Reykjavik) --> 藍湖 (Blue Lagoon) --> 雷克雅維克 (Reykjavik)

9:30 am
冰島之旅今天正式開始, 先嘆個我至愛既歐式早餐...

[2014 北歐．北極光] Day 9 轉戰另一冰極國度 - 冰島

~Day 9~

30/8/2014 (Saturday) 晴

伊盧利薩特 (Ilulissat) --> 冰島國際機場 --> 雷克雅維克 (Reykjavik)

9:00 am
下午就要離開格陵蘭, 好唔捨得呢個地方, 淨番一個早上, 我決定要再去多次我認為係 Ilulissat 景色最靚既地方... 先去超市買早餐...

9:30 am
邊度咁吸引？咪就係 post card 指定拍攝位...

[2014 北歐．北極光] Day 8 Ilulissat 伊盧利薩特小鎮

~Day 8~

29/8/2014 (Friday) 晴

伊盧利薩特 --> 小鎮一日遊 --> 伊盧利薩特

9:00 am
一連兩日去左睇冰川同冰河, 黎到格陵蘭既第三日, 打算以步行既方式, 走遍呢個小鎮既每個角落, 希望將 Ilulissat 既美全部攝入腦海入面。出發前食個早餐先...

[2014 北歐．北極光] Day 7 令人震撼既 Eqip Semia - 伊盧利薩特冰河

~Day 7~

28/8/2014 (Thursday) 晴

伊盧利薩特 --> Local Tour: Day Tour to Eqip Sermia - the Calving Glacier --> 伊盧利薩特

6:30 am
今日一早起來, 準備今趟極光之旅其中一個重要行程﹕Day Tour to Eqip Sermia - the Calving Glacier。基本上, 千里迢迢黎到格陵蘭都係為左向世界自然遺產伊盧利薩特冰峽灣進發啦, 所以呢個價值 DKK1912.5 (約港幣二千多元) 既 tour 係冇得慳既。睇埋落去就只會覺得有買貴冇買錯, 唔去一定會感到遺憾呀！整個 tour 需時約11個鐘, 包括在冰河前停留約2小時, 另外還包早、午餐同簡單下午茶。

走到碼頭集合...

[2014 北歐．北極光] Day 6 首次踏足極地格陵蘭

~Day 6~

27/8/2014 (Wednesday) 晴

哥本哈根 --> 哥本哈根國際機場 --> 格陵蘭 (Greenland) --> 伊盧利薩特 (Ilulissat) --> Local Tour: Evening Boat Trip Among the Icebergs --> 伊盧利薩特

7:15 am
今日會離開丹麥, 向極地格陵蘭進發... 心情好興奮, 一早搭 metro 去機場...

[2014 北歐．北極光] Day 5 丹麥童話小鎮

~Day 5~

26/8/2014 (Tuesday) 赫爾辛格、希德羅 --- 晴

哥本哈根 --> 赫爾辛格 (Helsingør): 克倫堡 (Kronborg Castle) --> 希德羅 (Hillerød): 腓特烈堡 (Frederiksborg Castle) --> 哥本哈根

8:00 am
之前提到係丹麥呢3晚入住既酒店找得不錯, 除左乾淨企理 (呢樣好緊要啊...) 之外, 佢既早餐真係非常之正呀... 好多唔同既麵包、芝士、Yogurt... 真係岩哂我呀...

不過好可惜, 俾左咁多錢 (一個人去旅行住就最唔抵, 加上北歐既住宿開支真係好大 >.<), 我只係嘆到佢個早餐1日咁大把... 琴日因為一早要去 Legoland, 聽朝一早就要趕去機場, 所以今日要慢慢嘆...

[2014 北歐．北極光] Day 4 Lego 發源地．丹麥 Billund Legoland

~Day 4~

25/8/2014 (Monday) 比隆 (Billund) --- 天陰

哥本哈根 --> 比隆 --> Billund Legoland --> 哥本哈根

6:40 am
今日會去位於丹麥比隆既 Legoland, 一早出發搭地鐵去中央火車站。買了哥本哈根至 Vejle 來回既火車票, DKK708...

[2014 北歐．北極光] Day 3 全世界最快樂國家．丹麥童話王國

~Day 3~

24/8/2014 (Sunday) 哥本哈根 --- 天陰

哥本哈根市區遊 --> 玫瑰宮 (Rosenborg) --> 市政廳 (Kobenhavns Radhus) --> 新港 (Nyhavn) --> 皇宮 (Amalienborg) --> 小美人魚像 (Den Lille Havfrue)

9:00 am
係船上食早餐, 都係昨日係奧斯陸買定既...

[2014 北歐．北極光] Day 2 奧斯陸一日遊

~Day 2~

23/8/2014 (Saturday) 奧斯陸 --- 天陰

多哈國際機場 --> 奧斯陸國際機場 (Oslo Lufthavn) --> 奧斯陸 (Oslo) 市區遊 --> 哥本哈根 (Copenhagen)

1:15 am
飛往奧斯陸既 QR 177 航班又起飛喇, 第一次搭 Qatar Airlines, 座位夠闊夠大, 機上有 wifi (要俾錢既), 飛機餐好食, 大致上都好滿意... 唯一既唔好處就係同 Emirates Airlines 類似, 飛往歐洲要係多哈轉機, 搞到訓唔倒覺...

[2014 北歐．北極光] Day 1 一人尋找幸福之旅出發囉

~Day 1~

22/8/2014 (Friday) 香港 --- 晴

香港 --> 多哈國際機場

4:00 pm

極度期待既北歐極光之旅出發喇, 懷住興奮既心情到達香港國際機場。

其實朝早仲要番工, lunch 都未食就要去機場, 諗住 check in 左先去 Lounge 嘆番個 late lunch...

買左卡塔爾航空 (Qatar) 經多哈轉機飛往奧斯陸既機票, 而香港去多哈呢一程其實係 CX 經營既航班黎, 所以 check in 都係去番國泰既 check in counter 既... 去到 CX 個 counter, 地勤姐姐問﹕小姐, 我地已經 upgrade 左你去 business class, 你之前預訂左個低卡路里餐你仲要唔要呢？我心諗﹕business class 咁正？我答佢﹕咁我食番 business class 個餐啦... 嘩哈哈, 真係未出發已經夠哂興奮。

由於 business class 既膳食都唔錯, 所以去 Lounge 都係食少少野算...

2014 Aug 北歐．奧斯陸、丹麥、冰島、格陵蘭北極光之旅 16 天遊 - 行程規劃

~ 北歐．奧斯陸、丹麥、冰島、格陵蘭北極光之旅十六天遊 ~

日期: 22/8/2014 - 6/9/2014

自從 2012 年頭去過芬蘭之後,  一直都好掛住北歐, 但去北歐既旅費實在太貴嘛,  成日都係得個諗字。直到今年復活節去完日本番黎,  正要計劃七月打後去邊度好時,  北歐又再次出現係我腦海入面,  於是就上網搵下資料,  睇下人地 D BLOG 咁啦！睇下睇下... 諗下諗下... 最後鎖定左目標﹕冰島同格陵蘭... 嘩哈哈！其實我係好想去睇北極光 (之前去芬蘭睇唔倒...),  而冰島同格陵蘭都係睇極光既好地方,  但七至八月去睇到既機會係近乎零... 考慮到呢點同我可以放大假既日子,  最後決定八月尾出發,  九月頭去到冰島岩岩開始有極光團。定左日子再睇下機票,  出入格陵蘭又係比較令人頭痛,  原來要去格陵蘭得兩個途徑﹕由丹麥哥本哈根或冰島飛去。為左唔走回頭路,  最後既行程定為﹕香港 --> 丹麥 --> 格陵蘭 --> 冰島 --> 香港。大約三個月前買左出入格陵蘭既兩張單程機票,  價錢實在很嚇人呢 >.< 跟住就要買埋香港飛丹麥既來回機票,  睇黎睇去丹麥既機票都好貴,  相比之下飛挪威既奧斯陸機票平好多喎... 再睇下旅遊書,  奧斯陸景點不多,  飛去奧斯陸可以順道加插一個一日遊,  然後坐郵輪過丹麥都 ok 喎...

好啦,  最後鐵定左既行程係咁﹕香港 --> 奧斯陸 --> 丹麥 --> 格陵蘭 --> 冰島 --> 奧斯陸 --> 香港。

整個行程,  由挪威 (Norway) 首都奧斯陸 (Oslo) 開始,  坐郵輪去丹麥 (Denmark) 首都哥本哈根 (Copenhagen),  去左好得意既 Legoland 同世界文化遺產 - 克倫堡 (Kronborg Castle)。係丹麥逗留左三日之後就飛去格陵蘭 (Greenland) 西岸既旅遊重鎮伊盧利薩特 (Ilulissat),  呢度除左有好多色彩繽紛既屋仔,  仲有令人非常震撼既世界自然遺產 - 伊盧利薩特冰灣 (Ilulissat Icefjord),  睇完之後我真係覺得張機票幾貴都係值得架！最後一站就係冰島 (Iceland) 喇,  參加左當地幾個 Local Tour 遊覽左冰島既世界文化遺產 - 辛格維力爾國家公園 (Þingvellir National Park)、東南部既 Glacier Lagoon (Jökulsárlón)、西面既 Snaefellsnes National Park,  仲有好多好靚既瀑布、火山。最後飛回奧斯陸再返回香港！

今次絕對係一個畢生難忘既旅程... 挪威人既友善,  足以令你愛上北歐呢個地方﹔丹麥既 Legoland,  令人勾起童年既回憶﹔極地格陵蘭既冰川,  D 冰多到好似冰河世紀咁,  比之前去芬蘭坐破冰船更加震撼啊,  船上既遊客係咁 Amazing Amazing Amazing :p 仲有格陵蘭既彩色屋仔,  靚到好似童話世界一樣﹔最抵讚係格陵蘭既居民,  每個人見到你都同你講一句 Hello,  真係應都應唔切﹔冰島既自然景色﹕瀑布、火山、冰川、奇形怪狀既山脈,  睇到你嘆為觀止﹔當然最最最開心既係係冰島既最後一晚,  終於俾我睇到北極光喇... 如果北極光代表幸福,  我都好希望幸福可以降臨係我身上呢！

[2014 日本．中國地區] Day 6 話咁快又要同日本講拜拜喇

~Day 6~

22/4/2014 (Tuesday) 晴

岡山 --> 岡山空港 --> 上海浦東國際機場 --> 香港

6:50 am

今日係中國之旅既最後一日, 而行程係同第一日一樣, 主要都係搭飛機 :p 由於早機關係, 7:00 am 未夠就要 check out 同食早餐, 而東橫 inn 咁早都未準備好早餐, 只有麵包同咖啡供應, 真係叫做有好過冇...

[2014 日本．中國地區] Day 5 漫遊岡山倉敷美觀地區

~Day 5~

21/4/2014 (Monday) 天陰

岡山 --> (岡山縣) 岡山後樂園 --> 岡山城 --> 倉敷 --> 倉敷美觀地區 --> 倉敷 Mitsui Outlet Park --> 岡山 --> 岡山站西口廣場 Toyoko-inn

8:45 am

食早餐, 這間東橫 Inn 的早餐不錯, 有多士亦有飯團...

[2014 日本．中國地區] Day 4 鬼太郎故鄉搵妖怪

~Day 4~

20/4/2014 (Sunday) 晴

米子 --> (鳥取縣) 境港 --> 水木茂妖怪大街 --> 米子 --> 鳥取 --> 鳥取砂丘 --> 砂之美術館 --> 岡山 --> 岡山站西口廣場 Toyoko-inn

8:00 am

起身食早餐... 然後 check out 同係酒店寄存行理。

[2014 日本．中國地區] Day 3 島根人氣出雲大社

~Day 3~

19/4/2014 (Saturday) 晴

米子 --> (島根縣) 石見銀山 --> 出雲 --> 出雲大社 --> 松江 --> 松江城 --> 米子 --> 米子 Town Hotel

7:30 am

其實今天要去既地方全都在島根縣, 明天才會玩鳥取縣... 選擇住米子係因為米子市位於山陰地區既中部, 與島根縣相接, 係山陰區既主要都市之一, 也是人口最多既城市... 由呢度搭鐵路往返山陰其他城市, 交通都非常方便, 所以米子素有 "山陰之大阪" 既稱號... 以此為落腳處, 去兩邊既景點都方便而又可以搬少一日行理呢！

呢間酒店都不錯, 就在米子火車站旁, 房間算大, 包埋一個健康早餐 ^.^

[2014 日本．中國地區] Day 2 世界遺產 - 嚴島神社、原爆遺址

~Day 2~

18/4/2014 (Friday) 天陰

廣島 --> (廣島縣) 宮島 --> 嚴島神社 --> 廣島 --> 原子彈爆炸遺址 --> 廣島平和紀念資料館 --> 廣島城 --> 米子 --> 米子 Town Hotel

8:00 am

昨天搭左成日飛機, 訓番一個好覺成個人精神哂, 今日正式開始中國之旅, 首站就係廣島縣喇。

廣島縣位於日本本州西端中國地方, 面向瀨戶內海既一個縣。東接岡山縣、北接鳥取縣同島根縣、西鄰山口縣、南濱瀨戶內海。首府位於廣島市。

落去酒店 lobby 食個豐富早餐先, 選擇都幾多喎...

[2014 日本．中國地區] Day 1 首次踏足中國地區

~Day 1~

17/4/2014 (Thursday) 香港 --- 晴, 廣島 --- 雨

香港 --> 上海浦東國際機場 --> 廣島空港 --> Urbain Hiroshima Executive

11:00 am

第十二次日本遊, 今次向從未踏足過既中國地區進發。

雖然今次係自已一人之旅, 但心情一樣係好興奮, 拖住行理到達香港國際機場, check in 完就入禁區喇。

2014 April 日本．中國地區．鐵道遊 6 天- 行程規劃

~日本．中國地區 (廣島、島根、鳥取、岡山) 六天鐵道遊~

日期: 17/4/2014 - 22/4/2014

第十二次日本遊，今次一個人向中國地區進發。日本既中國地區位於本州既西部一帶，再被分為山陰與山陽兩個部分，由山口、廣島、島根、鳥取同較多香港人熟悉既岡山縣五個縣所組成。靠近日本海的島根和鳥取縣屬於山陰地區，鄰近瀨戶內海既山口、廣島同岡山縣則為山陽地區。中國地區確實係比較冷門，旅遊景點不多，景點分散，花在交通上既時間真的很長，所以今次個 Trip 既主題都叫做鐵道遊，哈哈！今次除左可以欣賞中國地區既景色之外，仲俾機會我去左好多火車站儲印仔啊！

由於中國地區既景點真係比較分散，山口縣既旅遊景點下關仲要正正係九州隔離，太遠了，留待下次九州之旅才去吧。今次只去四個縣﹕廣島、島根、鳥取同岡山縣。買左中國東方航空既機票，雖然要經上海轉機，但可以廣島入，岡山出，價錢又平，算係去中國地區既一個好選擇。

整個行程，由廣島縣開始，睇左兩個世界文化遺產﹕宮島既嚴島神社同廣島市既原子彈爆炸遺址﹔之後去左島根縣既另一世界文化遺產石見銀山，亦都去左出雲市既出雲大社拜下月老﹔跟住再到鳥取縣既境港市，呢度係鬼太郎既故鄉，仲有近年好多香港人都去既鳥取砂丘﹔最後就係岡山縣既岡山市同倉敷市。

綜觀整個中國之旅，由於旅遊景點不多，美食同購物既選擇亦非常有限，引致中國地區既遊客都唔多。呢六日既行程入面，遇見既大多數都係日本本土遊客，有日本女孩相約去出雲大社求姻緣、有日本既一家四口去境港市搵鬼太郎妖怪、亦有日本既公公婆婆拖手行岡山後樂園欣賞風景。對於愛吃喝玩樂同 shopping 既香港人黎講，呢度係比較沉悶既，但對於愛好日本文化既我，正正可以俾我享受到日本真正寧靜既一面。另外，可能由於少遊客既關係，沿途遇見既日本人都好奇問我邊度黎，我又可以用我有限既日文同佢地傾計，呢 D 就係向世界出發既大收獲啦！