[2016 日本．大阪馬拉松] RUN FOR MY GOAL, RUN FOR OUR TEAM．大阪馬拉松 2016 直擊報導

~Day 1~
28/10/2016 (Friday) 香港 --- 晴, 大阪 --- 微雨

香港 --> 關西國際機場 --> Toyoko-inn 大阪なんば日本橋

1:00 pm

今天請了半日假, 1:00 pm 放工。由於時間充裕, 今次唔搭機場快線, 就係公司樓下搭機場巴士到機場, 唔駛一個鐘就到左。

2:15 pm
到左國泰既登記區域, 因已在網上辦理 check in 手續, 加上我係冇寄倉行理, 咁我直接於自助 check in 機印番張 boarding pass 出黎就離境喇 (其實網上 check in 左可以自已印埋張 boarding pass 又或者選擇係手提電話接收電子 boarding pass, 如果好似我咁連寄倉行理都冇既, 就可以直接出境)。

到 Plaza Premium Lounge 食 lunch...

2016 Oct 日本．大阪馬拉松 3 天之旅 － 行程規劃

みんなでかける虹　

攜手共同架起彩虹,精選七大慈善主題

大阪マラソン2016

~日本．大阪馬拉松 3 天之旅~

日期: 28/10/2016 - 30/10/2016

係年頭2月同3月分別跑過京都全馬同名古屋半馬之後, 真係愛上左日本既馬拉松比賽。日本人既熱情, 大會體貼既安排, 完美既賽道, 好多好多野都好吸引, 所以同朋友係4月時又上網報名參加10月舉行既大阪馬拉松。大阪馬可說是繼東京之後, 日本第二大既馬拉松比賽, 參加人數雖然一定冇東京馬咁多, 但都唔係咁易抽呢！最後好幸運地, 我成功抽到參賽名額, 但朋友就抽唔中... 由於大阪馬拉松都算係日本既大型賽事, 所以就算得我自已一個, 我都決定會去跑... 不過大阪已去過多次, 玩就唔需要喇 (講係咁講, 但我都唔會放過去探索呢個世界既好機會, 最後都去左志賀一趟睇紅葉, 哈哈...), 所以又黎個快閃3天跑馬之旅！

當收到大會通知成功抽到跑馬資格之後, 就好興奮咁上網睇定啲機票酒店 (真係唔知係去日本興奮定有得跑馬拉松興奮, 哈哈！)... 由於只去三天, 星期五出發, 星期日係比賽日, 跑完當晚回港, 不過有樣野要留意, 日本唔同台北或者新加坡, 市區同機場既距離比較遠, 如果想即晚走, 要好好咁計算一下, 跑完夠唔夠時間趕飛機... 最後買了國泰航空香港至大阪來回既機票同上網 book 了兩晚難波既酒店。搞掂機票同酒店之後, 基本上就可以安心練跑等出發喇！

係 2016 年結束之前黎一個總結, 大阪馬拉松係我第四隻全馬, 依次係香港既渣馬, 之後既京都馬, 莫斯科馬同今次既大阪馬。香港同京都馬既成績相若 (5:22), 莫斯科馬狀態不佳退步, 今次既大阪馬盡左努力, 係良好既天氣狀況底下, 一雪前恥, 最後以 5:21 既成績完走, 比京都馬快了 44 秒, 成功 PB 了, yeah! 大家唔好笑我, 對於我呢啲體能咁差既人黎講, 跑完已經好勁架喇, 仲要快左 44 秒咁多, 真係好叻叻架喇, 真係要自我獎勵一番, 哈哈！雖然成績冇咩大突破, 但黎緊我會繼續努力, 挑戰自己, 期待 2017 年既跑馬之旅！

[2016 信州關東．母の誕生日] Day 5 淺草．雷門

~Day 5~

11/10/2016 (Tuesday) 日本 --- 晴

東京駅 --> 淺草．雷門 --> 成田國際空港 --> 香港

8:30 am

今日係最後一天行程, 先 check out, 寄存行理在東京駅既 locker 再去食早餐...

[2016 信州關東．母の誕生日] Day 4 東京迪士尼海洋

~Day 4~

10/10/2016 (Monday) 日本 --- 晴

東京駅 --> 東京迪士尼海洋 --> 東京駅 --> 三井ガーデンホテル京橋

9:45 am

琴晚行得比較夜, 今日大家都訓晏左... 走到八重州地下街食早餐...

[2016 信州關東．母の誕生日] Day 3 日本三大名城．松本城

~Day 3~

9/10/2016 (Sunday) 日本 --- 晴

淺間溫泉 --> 松本城 --> (東京都) 新宿 --> 東京駅 --> 三井ガーデンホテル京橋

7:30 pm

今早先吃早餐, 再去浸溫泉...

[2016 信州關東．母の誕生日] Day 2 媽媽生日@立山黑部

~Day 2~

8/10/2016 (Saturday) 日本 --- 雨

大町溫泉鄉 --> 立山黑部 --> 淺間溫泉 --> ホテル おもと

7:30 pm

今日係媽媽生日, 生日大快樂呀！一齊食生日溫泉早餐...

[2016 信州關東．母の誕生日] Day 1 重遊賞紅葉勝地軽井沢

~Day 1~

7/10/2016 (Friday) 香港 --- 晴, 日本 --- 晴

香港 --> 成田國際空港 --> (長野縣) 軽井沢 --> 大町溫泉鄉 --> 綠翠亭 景水

11:00 pm

今次真係雙喜臨門, 原本呢個一年一度既家族之旅係順道慶祝媽媽既生日, 就係出發既呢一晚, 我既姪女晴晴亦都順利出世了, 媽媽做左嫲嫲, 我做左大姑姐, 阿妹都變左細姑姐, 呵呵...

到左機場 check in...

2016 Oct 日本．信州關東．紅葉溫泉 x 媽媽生日 5 天自駕之旅 - 行程規劃

~日本．信州關東 (軽井沢、立山黑部、松本、東京)．紅葉溫泉 x 媽媽生日 5 天自駕之旅~

日期: 7/10/2016 - 11/10/2016

繼上年10月既北九州紅葉溫泉自駕遊, 屋企人期待既家族之旅又係時候出發喇... 今年突然醒起, 媽咪10月生日喎, 不如就10月頭出發, 順道慶祝埋媽咪生日啦... 日子定左10月頭就要諗下去邊喇, 梗係想睇埋紅葉, 10月頭要睇紅葉就只有北海道, 但太遠時間不夠... 退而求其次, 在10月初有機會睇到紅葉靚景既, 關東同甲信越一帶都可在考慮之列... 搜集資料後, 見到立山黑部既紅葉期也是在10月初, 想起自已2009年既立山黑部之旅, 當時欣賞到冬の立山限定既雪の大谷, 即係而家人氣高企既雪牆呀, 如果可以欣賞埋秋の立山既紅葉美景, 咁就真係完美喇... 諗到漫山紅葉既立山黑部, 一於鎖定立山為今次旅程既重點。最後決定東京出入, 到步先租車到長野縣, 完成信州既紅葉溫泉自駕遊之後返回東京, 逛逛新宿淺草同暢遊東京迪士尼海洋！

信州即長野縣, 位於本州中部的中央高地上, 擁有豐富的自然景觀, 秋天為賞紅葉勝地, 但距離東京都有一點距離。整個行程分為兩部分, 上半部分係信州紅葉溫泉自駕遊, 由東京出發到軽井沢, 在軽井沢開始租車, 逛過舊銀座大街同雲場池之後再遊立山黑部同日本三大名城之一既松本城。期間入住信州兩大溫泉﹕大町溫泉同淺間溫泉。行程下半部分返回繁華既東京都, 去下遊客必到既新宿、東京駅地下街同淺草寺．雷門, 最後去埋大人細路都岩玩既東京迪士尼海洋。

整個信州關東之旅, 睇個名就梗係為左睇紅葉同浸溫泉啦, 不過有點可惜, 賞紅葉勝地雲場池既紅葉仲未開 >.< 至於行程既主角立山黑部, 亦都因為天氣唔好太大霧, 咩都睇唔倒 >.< >.< 雖然係咁, 但屋企人都玩得好開心, 就算冇開得燦爛既紅葉, 但都有溫泉同好多美食... 最重要既係, 媽咪可以在日本過生日喎, 超正啦！另外一定要提既, 在我地出發當晚, 我既小姪女晴晴出世喇, 媽咪做左嫲嫲呀, 你話佢今次係咪超開心先！

[2016 俄羅斯．莫斯科馬拉松] Day 7-10 俄羅斯第二大城市．聖彼德堡

~Day 7~
29/9/2016 (Thursday) 聖彼德堡 St. Petersburg --- 雨

聖彼德堡 (St. Petersburg) --> 隱士廬博物館 (State Hermitage Museum) --> 聖以薩大教堂 (St Isaac's Cathedral) --> 滴血救世主教堂 (Church of the Savior on Spilled Blood) --> 涅夫斯基大街 (Nevsky Prospekt) --> Mikhailovsky Theatre: 天鵝湖 Swan Lake --> Bigland Hostel

5:57 am

清晨到達聖彼德堡 St. Petersburg 既 Ladozhsky Station... 落火車後搭的士到 Hostel...

[2016 俄羅斯．莫斯科馬拉松] Day 4-6 莫斯科紅場 x 金環古城

~Day 4~
26/9/2016 (Monday) 莫斯科 --- 晴

酒店 --> 莫斯科市區散策 --> 紅場 (Red Square) --> 聖瓦西里大教堂 (Saint Basil’s Cathedral) --> 克里姆林宮 (Moscow Kremlin) --> Seven Hills Brestskaya Hotel

8:45 am

終於有覺好訓, 訓醒感覺身體恢復左五六成... 而家最緊要係食早餐...

[2016 俄羅斯．莫斯科馬拉松] Day 1-3 跑在莫斯科紅場．驚險萬分既莫斯科馬拉松 2016

~Day 1~
23/9/2016 (Friday) 香港 --- 晴

香港 --> 上海浦東國際機場 (Shanghai Pudong International Airport)

6:00 pm
放工後趕到機場, 最唔希望出現既事情出現了, check in 電子板顯示航班 delay... 餐餐飛大陸都係咁既...

8:25 pm
去到登機閘口繼續等, 真係越心急佢就越遲...

10:00 pm
原定 8:05 pm 起飛既東方航空 MU 506 航班, 最後等到 10:00 pm 先起飛, 足足遲了兩個鐘 >.<...

2016 Sept 俄羅斯．莫斯科馬拉松 x 金環古城世界遺產 10 天之旅 - 行程規劃

~俄羅斯．莫斯科馬拉松 x 金環古城世界遺產 10 天之旅~

日期: 23/9/2016 - 2/10/2016

有一日一個舊同事問我, 去唔去俄羅斯跑馬拉松, 雖然呢個係舊同事, 但佢係一位經驗豐富既好老師, 所以我叫佢做張老師... 佢搵我既目的, 當然係佢自已想去跑, 但又未跑過海外馬, 佢知道我經常自由行又會跑既, 自然就搵我啦... 暫時除左大賽同比較近既地方例如日本台灣, 好少話特登要走去跑, 但俄羅斯未去過喎, 順道來一趟俄羅斯之旅都 ok 喎, 考慮過之後決定應承張老師喇...

報名後, 就著手 plan 行程, 俄羅斯太大了, 想玩哂係冇可能, 但主要城市加世界遺產係少不免。最後決定左既路線係莫斯科入, 完成莫斯科馬拉松後向金環古城進發, 探索一下俄羅斯既世界遺產同欣賞洋蔥頭教堂, 最後於聖彼得堡結束行程﹕

香港 --> 莫斯科 Moscos --> (金環) 蘇茲達里 Suzdal --> 弗拉基米爾 Vladimir --> 聖彼得堡 St. Petersburg --> 香港

行程走訪了俄羅斯各著名景點, 其中莫斯科紅埸、克里姆林宮、金環古城蘇茲達里、弗拉基米爾的白色建築群以及聖彼得堡歷史古蹟群均是世界文化遺產。

後記
由於飛機嚴重 delay, 跑馬前兩晚都冇覺好訓, 令到今次首隻歐洲馬既成績十分之差... 不過都唔緊要, 始終只是第三隻全馬, 都係安全至上, 能夠完成已好叻叻, 對嗎？對香港人來說, 俄羅斯唔算係熱門旅行國家, 更遑論去跑馬拉松, 不過有點意外, 呢隻馬拉松規模並不少, 參賽者眾多, 跑馬氣氛非常好, 沿途可以欣賞到莫斯科所有著名景點, 呢隻歐洲馬值得推薦！

完成莫斯科馬拉松後, 順道遊覽俄羅斯兩大城市莫斯科同聖彼得堡, 中間再加插了兩個金環古城﹕蘇茲達里及弗拉基米爾。俄羅斯建築與歐洲其他國家相比不大相同, 前蘇聯解體後, 俄羅斯的憲法雖然確定俄國是一個世俗國家, 但有關宗教法律仍偏袒東正教, 所以大部分教堂都是東正教的洋蔥頭大教堂。看的大多是俄羅斯既歷史文化, 自然風景比較少。雖然言語不通, 但俄羅斯人普遍都好 nice, 治安不算差... 整體來說, 俄羅斯絕對是一個值得去既國家！

2016 April 台北．地道美食 3 天遊

~台北．地道美食 3 天遊~

日期: 30/4/2016 - 2/5/2016

香港人去台北冇咩特別, 話係美食之旅亦唔出奇, 但點解要特別註明係地道美食之旅？因為我有個中學同學兼好朋友, 佢去左台灣做野, 仲係果面結埋婚生左個好可愛既小朋友... 咁我見難得多左一日假期, 就打算過去探佢喇...

呢個好朋友真係唔話得, 除左招呼我係佢屋企住之外, 仲成家人陪足我2日, 佢老公 Alex 做埋司機車我去睇靚風景同帶我去食啲港人唔多識搵既美食, 真係超正又非一般旅遊書搵到架... 其實呢個朋友阿雨自中四開始認識, 但中五會考後大家又去左不同學校升讀中六, 佢之後仲去埋美國讀大學 tim... 咁多年冇見但仍有保持聯絡其實係好難得既, 而家仲要帶我周圍去玩, 真係好多謝你呀... 總好過那些每日在你身邊卻不懂珍惜你的人好得多...

[2016 中部北陸．名古屋馬拉松] Day 5 土岐 Outlets 最後血拼

~Day 5~

16/3/2016 (Wednesday) 晴

越前 --> (歧阜縣) 土岐プレミアム・アウトレット (Toki Premium Outlets) --> (愛知縣) 中部國際空港 --> 香港

7:30 am

今日係旅程既最後一天喇, 一早起來, 在房間內望到的越前海岸景色...

[2016 中部北陸．名古屋馬拉松] Day 4 金沢 x 越前．季節限定越前蟹宴

~Day 4~

15/3/2016 (Thursday) 晴

奥飛騨溫泉 --> (石川縣) 金沢 --> 近江町市場 --> (福井縣) 東尋坊 --> 越前海岸國定公園．料理旅館 平成

7:30 am

望住個深山雪景嘆早餐...

[2016 中部北陸．名古屋馬拉松] Day 3 高山 x 奥飛騨．和牛溫泉

~Day 3~

14/3/2016 (Monday) 晴

下呂溫泉 --> 高山 --> 上三之町 --> 奥飛騨温泉郷．平湯 匠の宿 深山桜庵

7:15 am

一早醒來, 再去浸溫泉...

[2016 中部北陸．名古屋馬拉松] Day 2 半馬 PB @ 名古屋城市馬拉松 2016

~Day 2~

13/3/2016 (Sunday) 晴

名古屋 --> 名古屋城市馬拉松 2016 (Nagoya City Marathon 2016) --> (歧阜縣) 下呂溫泉鄉．湯之島館

7:00 am

到酒店餐廳吃早餐, 然後 check out 同寄存行理...

7:30 am
出發往會場, 起點就在昨天 Expo 的名古屋ドーム。

8:00 am
由栄搭地鐵名城線到名古屋巨蛋前矢田駅, 到站後跟著人潮走到名古屋ドーム。

[2016 中部北陸．名古屋馬拉松] Day 1 重遊名古屋．名古屋ドーム跑手報到

~Day 1~
12/3/2016 (Saturday) 香港 --- 晴, 名古屋 --- 晴

香港 --> 中部國際空港 --> (愛知縣) 名古屋 --> 東スポーツセンター (領取選手包) --> 名古屋ドーム (Marathon Expo) --> 栄 --> ベストウェスタンホテル名古屋

9:00 am

出發喇, 約左朋友在機場 check in counter 等... check in 之後一起到 Travel Lounge 食早餐...

10:25 am
CX 536 飛往名古屋既航班準時起飛...

2016 March 日本．中部北陸 x 名古屋馬拉松 5 天自駕遊 - 行程規劃

~日本．中部北陸 (愛知、岐阜、石川、福井) x 名古屋馬拉松五天自駕遊~

日期: 12/3/2016 - 16/3/2016

上年十月頭在網上看到跑友話報左名古屋女子馬拉松, 呢個女子馬拉松由 Tiffany 贊助, 完走既跑手都會得到一條 Tiffany 頸鏈, 超吸引啊! 諗住湊熱鬧又報下, 點知原來已經截左止... >.<女子馬拉松就冇得玩, 但當日除左女子全馬, 另外仲有個名古屋城市半馬, Tiffany 頸鍊就冇架喇, 見仲有得報名, 就隨口問下係澳洲跑 Ayers Rock 半馬時識既跑友去唔去, 佢又一口答應, 仲話跑完可以玩番幾日咁話... 就係咁, 我地就報名喇！

上網報名確認後, 就買機票同 book 酒店... 由於我對日本自由行比較熟, 所以 plan 行程都係我一手負責... 問過朋友意見, 朋友話想 hea 啲, 由其跑完個半馬咁辛苦, 主要想去浸下溫泉, 食下野咁... 嘩, 咁就簡單啦, 目標明確清楚, 我 like 呀... 好快就定好行程, 第一天到步先去 Expo, 第二天就係馬拉松賽事, 休息後就租車開始自駕遊, 住三晚溫泉酒店, 分別係下呂、奧飛騨同越前海岸既溫泉鄉... 旅程中可以品嚐到高山既飛騨和牛、金沢近江町市場既超正魚生同季節限定既越前蟹豪華料理... 一個短短既日本 5 天之旅, 可以完成一個半馬賽事, 享受美食, 欣賞靚景同狂浸溫泉, 真係超級滿足啊！

後記
今次係我既第四個海外半馬, 由於全程路線平坦, 天氣清涼, 唔會好似新加坡渣馬咁熱到爆, 又唔似台灣渣馬咁凍到顛... 所以最後 pb 了, 以 2:06 時間完走。可以 pb 真係好開心, 不過跑完係好攰好攰, 同朋友離開時, 我地傾傾下先發現... 咦, 冇獎牌既... 對一啲真正熱愛跑步既人黎講, 完賽獎牌當然唔係最重要, 但當我知道原來咁辛苦走完係冇獎牌既時候, 我真係覺得有啲失落同唔抵囉 :p 下次報名時真係要睇清楚, 哈！

[2016 日本．京都馬拉松] 海外初全馬．京都馬拉松 2016 直擊報導

~Day 1~
19/2/2016 (Friday) 香港 --- 晴, 大阪 --- 寒冷

香港 --> 關西國際機場 --> ホテル日航関西空港

6:30 pm

放工後搭機場快線到機場, 由於廉航冇野食, 先食少少野, 再等上機...

2016 Feb 日本．京都馬拉松 4 天之旅 － 行程規劃

*** 海外兼日本初全馬. 京都マラソン 2016 ***

~日本．京都馬拉松 4 天之旅~

日期: 19/2/2016 - 22/2/2016

一月先岩岩跑完香港同台北既渣馬, 事隔一個月又跑？其實上年九月時一心諗住抽 2016 既東京馬拉松, 咁報名時只係順手報埋個京都馬拉松, 點知東京就抽唔中, 京都就成功中左。本身考慮到一月已有兩個渣馬要跑, 唔想太辛苦, 加上冇朋友一齊去, 最重要其實係京都已去過, 吸引力自然又低左 (好明顯我係為左去旅行多過去跑啦 :p), 所以一路都仲係十五十六... 直至去到比賽前既兩星期, 同個朋友傾開原來佢都會去, 咁我又實在好鍾意日本, 雖然京都呢啲賽事好易抽, 但唔去就要等下年, 好啦, 一於去跑我第一個既日本馬拉松。

呢個唔止係快閃, 仲係半即興馬拉松之旅, 2 月頭先決定去, 即刻上網買機票訂酒店。由於離出發日子太近, 只能買到星期五晚出發, 星期一朝早回程既機票。話就話 4 天, 但頭尾兩天只係搭飛機, 所以呢趟真係為左去跑架咋, 熱血到呢，哈哈...

後記﹕之前成日聽人講日本既馬拉松好正, 又話氣氛好好, 好熱鬧咁話... 跑完呢趟京都馬拉松, 我親身驗証呢啲人並唔係亂 up 既, 真係好正 (其實日本有咩唔正？)... 究竟有幾正, 等我簡單講少少啦... 出發前已收到大會發給跑手既參加指南, 設計精美, 非常清楚咁介紹比賽當天既所有安排, 包括換衫位置、寄行理程序、供應食物及水既位置同完走之後拎獎牌及取回行理的位置等等, 未出發已對當日既流程非常了解了, 不過大前提係你會睇呢份指南 :p。同其他國家舉辦既馬拉松一樣, 大會於比賽前安排了一個 Expo 讓跑手拎參賽用品, 不過呢個 Expo 真係非常大型, 入面勁多野睇, 仲有野食賣, 唔怕行到肚餓, 聽人講東京馬拉松既 Expo 仲可以行足一日 tim... 到了比賽當天, 去到會場不用擔心換衫的問題啊, 會場係一個體育館, 入面會有一個超大既 hall 俾你換衫, 做埋熱身食埋早餐都仲得呀... 諗起香港同台北既渣馬, 冇地方俾你換衫之餘, 仲要捱住凍咁等起跑... 仲好記得跑完香港渣馬果刻, 成個人濕哂咁去搭巴士番屋企, 真係慘情 >.< 比賽開始後, 沿途有好多日本人為跑手打氣, 氣氛真係好好, 就算跑到好攰都會令你有動力繼續跑落去...

嘩, 話講少少都講左咁多, 入番正題, 講番呢次全馬既表現先... 今次係繼香港渣馬後既第二隻全馬, 表現不過不失, 以 5:22 既成績完成, 僅僅比香港渣馬快左少少... 不過相比香港既渣馬, 京都馬拉松既難度冇咁高既, 路線比較平坦, 所以嚴格黎講, 今次只算係完成, 表現仍有待改善。馬拉松確係一項挑戰人體極限既運動, 耐力同體力缺一不可, 可以係京都呢度完成我第二隻, 同時係海外兼日本既第一隻全馬, 我真係好開心！

[2016 台北．馬拉松] Day 3 體感溫度 0℃．台北渣打公益馬拉松

~Day 3~

24/1/2016 (Sunday) 大雨、嚴寒

酒店 --> 台北渣打公益馬拉松 --> lunch buffet @ 喜來登大飯店 --> 桃園國際機場 --> 香港

4:30 am
終於到左路跑日 (黎到台灣講得國語多，馬拉松都變左路跑 :p)... 天未光就起身，望出窗外，落緊雨，再睇下天氣報告，噢 MY GOD，台北氣溫得3度...

換好衫準備出發，一踏出酒店，嘩，真係好鬼凍呀... 仲要落住雨... 唔理得咁多，搭的士到比賽起跑點：總統府前廣場。

[2016 台北．馬拉松] Day 2 繼續食食食．世界級得奬麵包吳寶春

~Day 2~
23/1/2016 (Saturday) 台北 --- 雨, 寒冷

酒店 --> 新光三越 (領取跑手包) --> 松山文創園區．吳寶春麥方店 --> 蒸煮烤涮四層鍋 @ 沪里弄堂 --> 中山區．KUMA Cafe --> 中山地下街 --> 台北地下街 --> 阿鑫麵線 --> Sheraton Grand Taipei Hotel

12:00 pm

今日仍然都係落雨天, 加上要預留體力明天參加半馬, 所以訓晏啲... 訓醒直接去新光三越領取跑手包...

報到處好簡單, 大會只是在新光三越同微風松高中間既香堤大道設置一排檔攤, 跑手根據自已既參賽號碼去番適當既位置, 出示參賽確認電郵, 工作人員好快就送上你既跑手包... 內有號碼布、跑手 T-shirt 同計時晶片...

[2016 台北．馬拉松] Day 1 人氣帝皇蟹吃到飽 + 5星級喜來登牛肉麵

~Day 1~
22/1/2016 (Friday) 香港 --- 晴, 台北 --- 雨, 寒冷

香港 --> 桃園國際機場 --> 帝皇蟹火鍋 ＠ 品火鍋 --> 信義區 --> 台灣牛肉麵 ＠ 喜來登大飯店 --> Sheraton Grand Taipei Hotel

10:00 am

剛完成左香港既渣打全馬, 休息左一個星期, 其實體力仲未完全恢復, 今日又要出發去台北, 準備出戰星期日既渣打半馬喇...

今次搭長榮航空, check in 後去食早餐...

2016 Jan 台北渣打公益馬拉松 3 天之旅 － 行程規劃

~台北渣打公益馬拉松 3 天之旅~

日期: 22/1/2016 - 24/1/2016

上年十月頭先報左個新加坡渣馬, 事隔一個月, 呢個朋友又話想參加 2016 既台北渣馬。我見又係渣打馬打松, 好吸引喎... 加上台北仲近過新加坡, 快閃 3 天都唔會太趕, 應該話係一啲都唔趕, 好, 一於報名啦！

上網報名確認後, 就買機票同 book 酒店... 同新加坡渣馬之旅一樣, 星期五出發, 星期日朝早起跑, 跑完當晚回港。由於只去 3 天, 主要為左比賽而去, 所以今趟既台北之旅重點係﹕參加馬拉松同食食食... 以前去台北就梗係去食士林、豪大大、阿宗麵線、馬辣火鍋架啦, 點知朋友話呢啲 out 哂啦, 而家要去食蟹火鍋、四層海鮮鍋同吳寶春喎... 我去過台北咁多次, 之前講果啲就梗係食過哂, 對於朋友既提議我當然係無任歡迎啦... 只係有少少覺得奇怪, 朋友未去過台灣, 你又點知我所講既 out 哂呢？

後記﹕今次係我既第三個海外半馬, 連同早一星期舉行既香港渣打全馬, 係第四次參賽。話說上次既新加坡渣馬跑到嗌哂救命, 皆因又熱又濕... 勢估唔到, 今次既台北渣馬同樣係跑到想死咁濟, 但情況係岩岩相反, 呢次係凍到嗌救命... 唔知大家有冇印象, 當日香港天氣嚴寒, 天文台錄得有紀錄以來第九最低溫度 3.3 度, 仲出埋新聞公報 tim... 身在台北既我, 就係極度寒冷加上有雨既惡劣天氣情況底下, 完成左呢個渣打半馬拉松... 原以為酷熱天氣下難跑, 點知一山還有一山高, 原來嚴寒天氣下更難, 跑左兩個幾鐘, 個身仲僵硬過起跑前 >.< ... 最後成績不及之前的兩個半馬, 但能夠順利完成比賽, 真係好滿足, 好開心, 就連在香港嗌凍既朋友都讚好！

[2015 南美．天空之鏡] Day 13-15 塗鴉山城．Valparaiso 瓦爾帕萊索

~Day 13~

1/1/2016 (Friday) 智利．瓦爾帕萊索 --- 晴

Santiago --> Valparaiso (瓦爾帕萊索) --> Santiago Arturo Merino Benitez Airport --> Toronto Pearson International Airport

8:30 am

今日係2016年既第一天, Happy New Year! 吃個新年早餐先...